ഡിവൈഎഫ്‌ഐ അഖിലേന്ത്യാ സമ്മേളനം

കൊൽക്കത്ത റാണി റാഷ്മണി റോഡിൽ പതിനായിരക്കണക്കിനു യുവജനങ്ങൾ അണിനിരക്കുന്ന മഹാസംഗമത്തോടെ ഡിവൈഎഫ്‌ഐ 11–-ാം അഖിലേന്ത്യാ സമ്മേളനത്തിന് വ്യാഴാഴ്ച തുടക്കമാകും. 27 വർഷത്തിനുശേഷമാണ്‌ നഗരം വീണ്ടും അഖിലേന്ത്യ സമ്മേളനത്തിന്‌ വേദിയാകുന്നത്‌. സംസ്ഥാനത്തിന്റെ മറ്റു ജില്ലകളിൽനിന്നുള്ളവർ ഹൗറ, സിയാൾദ റെയിൽവേ സ്‌റ്റേഷനുകളിൽ കേന്ദ്രീകരിച്ച് പ്രകടനമായി നഗരത്തിലേക്ക് കടക്കും. യുവ ബ്രിഗേഡിന്റെ മാർച്ചുമുണ്ടാകും.സിപിഐ എം ജനറൽ സെക്രട്ടറി സീതാറാം യെച്ചൂരി പൊതുസമ്മേളനം ഉദ്‌ഘാടനം ചെയ്യും. ഡിവൈഎഫ്‌ഐ അഖിലേന്ത്യ പ്രസിഡന്റ് എ എ റഹിം അധ്യക്ഷനാകും.