ഇതിനിടെ, മിഡിൽ ഈസ്റ്റിലെ സുരക്ഷാ സാഹചര്യം അതീവ ജാഗ്രതയിലാണ് തുടരുന്നത്. ഇറാൻ–ഇസ്രായേൽ സംഘർഷം കൂടുതൽ രാജ്യങ്ങളിലേക്ക് വ്യാപിക്കുമെന്ന ആശങ്ക അന്താരാഷ്ട്ര സമൂഹത്തിൽ ഉയർന്നിരിക്കുകയാണ്. ഗൾഫ് രാജ്യങ്ങൾ അടക്കം നിരവധി രാജ്യങ്ങൾ തങ്ങളുടെ സൈനിക സജ്ജീകരണങ്ങൾ ശക്തമാക്കി. അമേരിക്കൻ നാവികസേന ഹോർമുസ് കടലിടുക്കിനടുത്ത് അധിക യുദ്ധക്കപ്പലുകളും നിരീക്ഷണ സംവിധാനങ്ങളും വിന്യസിച്ചതായാണ് റിപ്പോർട്ടുകൾ. അതേസമയം, ഐക്യരാഷ്ട്രസഭ ഉൾപ്പെടെയുള്ള അന്താരാഷ്ട്ര സംഘടനകൾ ഉടൻ വെടിനിർത്തലിന് ആവശ്യപ്പെട്ട് രംഗത്തെത്തിയിട്ടുണ്ട്. ആഗോള എണ്ണവിതരണത്തിന്റെ പ്രധാന പാതയായ ഹോർമുസ് കടലിടുക്ക് സുരക്ഷിതമാകാത്ത പക്ഷം ലോക വിപണിയിൽ എണ്ണവിലയിൽ വൻ ചാഞ്ചാട്ടമുണ്ടാകുമെന്ന ആശങ്കയും ഉയരുന്നു. ഇതിനിടെ, സംഘർഷം കൂടുതൽ രൂക്ഷമാകാതിരിക്കാനായി വിവിധ രാജ്യങ്ങൾ നയതന്ത്ര നീക്കങ്ങൾ ശക്തമാക്കിയിട്ടുണ്ടെങ്കിലും ഇരുപക്ഷവും കടുത്ത നിലപാട് തുടരുന്നത് മേഖലയിലെ അനിശ്ചിതത്വം കൂടുതൽ വർധിപ്പിച്ചിരിക്കുകയാണ്.

ഇതിനിടെ മിഡിൽ ഈസ്റ്റിലെ സുരക്ഷാ സാഹചര്യം അതീവ ജാഗ്രതയിൽ തുടരുകയാണ്. ഇറാനെതിരായ ആക്രമണങ്ങൾ ശക്തമാകുന്നതിനിടെ പ്രദേശത്തെ പ്രധാന സൈനിക കേന്ദ്രങ്ങളും വ്യോമ പ്രതിരോധ സംവിധാനങ്ങളും ലക്ഷ്യമിട്ട് കൂടുതൽ ആക്രമണങ്ങൾ ഉണ്ടാകാമെന്ന ആശങ്ക ഉയർന്നിട്ടുണ്ട്. ഇസ്രയേൽ തന്റെ സുരക്ഷ ഉറപ്പാക്കുന്നതിനായി വ്യോമസേനയും മിസൈൽ പ്രതിരോധ സംവിധാനങ്ങളും ഉയർന്ന ജാഗ്രതയിൽ നിലനിർത്തിയതായി റിപ്പോർട്ടുകളുണ്ട്. അതേസമയം, സംഘർഷം കൂടുതൽ രാജ്യങ്ങളിലേക്ക് വ്യാപിക്കാതിരിക്കാൻ അന്താരാഷ്ട്ര തലത്തിൽ നയതന്ത്ര നീക്കങ്ങളും ശക്തമാകുകയാണ്. അമേരിക്ക ഉൾപ്പെടെയുള്ള സഖ്യരാജ്യങ്ങൾ മേഖലയിലെ സാഹചര്യം അടുത്തായി നിരീക്ഷിക്കുകയാണെന്നും ആവശ്യമെങ്കിൽ കൂടുതൽ സുരക്ഷാ നടപടികൾ സ്വീകരിക്കാമെന്നും വിദേശകാര്യ വൃത്തങ്ങൾ സൂചിപ്പിക്കുന്നു. ഇതോടൊപ്പം എണ്ണവിതരണത്തിനും ആഗോള വ്യാപാരത്തിനും നിർണായകമായ ഹോർമുസ് കടലിടുക്ക് മേഖലയിലെ ഗതാഗത സുരക്ഷ ഉറപ്പാക്കുന്നതിനായി നിരവധി രാജ്യങ്ങൾ നാവികസേനയെ സജ്ജമാക്കിയിട്ടുണ്ട്. സംഘർഷം നീണ്ടുനിൽക്കുകയാണെങ്കിൽ അതിന്റെ പ്രത്യാഘാതങ്ങൾ ആഗോള സാമ്പത്തിക രംഗത്തും സുരക്ഷാ മേഖലയിലും വലിയ സ്വാധീനം ചെലുത്താൻ സാധ്യതയുണ്ടെന്ന വിലയിരുത്തലുകളും പുറത്തുവരുന്നു.

ന്യൂഡൽഹി: ഇറാൻ പരമോന്നത നേതാവ് ആയത്തുള്ള അലി ഖമനയി കൊല്ലപ്പെട്ടതിൽ ഇന്ത്യയുടെ നിശബ്ദത ചോദ്യം ചെയ്ത് മുതിർന്ന കോൺഗ്രസ് നേതാവ് സോണിയ ഗാന്ധി. ഈ വിഷയത്തിലെ നിശബ്ദത നിഷ്പക്ഷതയായി കാണാനാവില്ലെന്നും ഉത്തരവാദിത്തത്തിൽ നിന്നുള്ള ഒഴിഞ്ഞുമാറലാണെന്നും സോണിയ ആരോപിച്ചു. ദി ഇന്ത്യൻ എക്‌സ്പ്രസിൽ എഴുതിയ ലേഖനത്തിലാണ് സോണിയയുടെ പ്രതികരണം. ഖമനയിയുടെ വധത്തിൽ കേന്ദ്ര സർക്കാർ ഇതുവരെ ഔദ്യോഗിക പ്രതികരണം നടത്തിയിട്ടില്ല. എന്നാൽ പശ്ചിമേഷ്യയിലെ സംഘർഷ സാഹചര്യത്തിൽ പ്രതികരിക്കുകയും ചെയ്തിരുന്നു. ഇതിന് പിന്നാലെയാണ് സോണിയയുടെ വിമർശനം.

തന്റെ ആരാധകരെ വെറും ആരാധകരായല്ല, മറിച്ച് തന്റെ 'ആര്‍മി' എന്ന് വിളിക്കുന്ന താരമാണ് ഐക്കണ്‍ സ്റ്റാര്‍ അല്ലു അര്‍ജുന്‍. ദേശീയ അവാര്‍ഡ് നേട്ടം മുതല്‍ ഫിലിം ഫെയര്‍ അവാര്‍ഡുകള്‍ വരെ തന്റെ എല്ലാ വിജയങ്ങളും തന്റെ ആരാധകര്‍ക്ക് സമര്‍പ്പിക്കുന്ന താരം, വീണ്ടും അവരുടെ ഹൃദയം കീഴടക്കിയിരിക്കുകയാണ്. സഹോദരന്‍ അല്ലു സിരീഷിന്റെ വിവാഹ റിസപ്ഷനിലേക്ക് ആരാധകരെ നേരിട്ട് ക്ഷണിച്ച് കൊണ്ടാണ് താരം മാതൃകയായിരിക്കുന്നത്. അല്ലു സിരീഷും നയനിക റെഡ്ഡിയും തമ്മിലുള്ള വിവാഹത്തിന് മുന്നോടിയായുള്ള റിസപ്ഷന്‍ അല്ലു സ്റ്റുഡിയോയിലാണ് നടന്നത്. അടുത്ത ബന്ധുക്കളും സുഹൃത്തുക്കളും മാത്രം പങ്കെടുത്ത ലളിതവും എന്നാല്‍ മനോഹരവുമായ ചടങ്ങായിരുന്നു ഇത്. എന്നാല്‍ ഈ സ്വകാര്യ ചടങ്ങിലും തന്റെ ആരാധകര്‍ക്ക് ഇടം നല്‍കാന്‍ അല്ലു അര്‍ജുന്‍ മറന്നില്ല.

കരിയറിന്റെ തുടക്ക കാലത്ത് തന്റെ നിറത്തിൽ ആത്മവിശ്വാസക്കുറവ് ഉണ്ടായിരുന്നുവെന്ന് രാധിക. കെ.വിശ്വനാഥ് ഒരുക്കിയ 'സ്വാതി മുത്ത്യ'ത്തിൽ കമൽ ഹാസനൊപ്പം അഭിനയിച്ചതിന്റെ ഓർമ്മകൾ പങ്കിട്ടാണ് രാധിക ഇക്കാര്യം പറയുന്നത്. അദ്ദേഹം ആൻ വളരെ വെളുത്തിരുന്നുവെന്നും അതിനാൽ കെട്ടിപിടിക്കുന്ന രംഗത്തിൽ അഭിനയിക്കുമ്പോൾ തനിക്ക് വല്ലാത്ത അരക്ഷിതാവസ്ഥ അനുഭവപ്പെട്ടുവെന്നും രാധിക പറഞ്ഞു. ആ സീൻ ചിത്രീകരിക്കാൻ വേണ്ടി മാത്രം മണിക്കൂറുകൾ ചിലവാക്കിയെന്നും അവസാനം കാര്യം തുറന്നു പറഞ്ഞപ്പോൾ കമൽ ഹസ്സൻ ക്ളിയ്കിയതും രാധിക ഓർത്തു. ഇപ്പോഴും തന്നെ കാണുമ്പോൾ കമൽ ഹാസൻ ഇക്കാര്യം പറഞ്ഞു കളിയാകുമെന്നും രാധിക ഒരഭിഖത്തിൽ പറഞ്ഞു. 'ഒരു സീനിൽ കമൽഹാസനെ പിന്നിൽനിന്ന് കെട്ടിപ്പിടിക്കണം. ആ സീൻ എടുക്കാനുള്ള ശ്രമങ്ങളായി. എത്രയായിട്ടും എനിക്കതിന് കഴിയുന്നില്ല. ഒടുവിൽ സംവിധായകൻ ഷൂട്ട് നിർത്തിവെച്ചു, 'നിങ്ങൾക്ക് പരസ്പരം ഇഷ്ടമല്ലേ' എന്ന് സംവിധാകയൻ ചോദിച്ചു. കമലും ഞാനും തമ്മിൽ പ്രശ്‌നങ്ങളൊന്നുമില്ലെന്ന് പറഞ്ഞിട്ടും അദ്ദേഹത്തിന് വിശ്വാസമായില്ല. ഒടുവിൽ ശരീരദുർഗന്ധമാണോ കാരണമെന്ന സംശയമായി അദ്ദേഹത്തിന്. എവിടുന്നോ പെർഫ്യൂം കൊണ്ടുവന്ന്, കമൽഹാസന്റെ ദേഹം മുഴുവൻ സ്‌പ്രേ ചെയ്തു. എന്നിട്ടും എനിക്ക് ആ സീൻ ഷൂട്ട് ചെയ്യാൻ കഴിയുന്നില്ല'', ആ സീനിനുവേണ്ടി മാത്രം മണിക്കൂറുകളെടുത്തു.

മലയാളത്തിൻ്റെ മഹാനടന്മാരായ മമ്മൂട്ടി, മോഹൻലാൽ എന്നിവരെ കേന്ദ്ര കഥാപാത്രങ്ങളാക്കി മഹേഷ് നാരായണൻ ഒരുക്കുന്ന മൾട്ടിസ്റ്റാർ സിനിമയാണ് പേട്രിയറ്റ്. 19 വർഷത്തിന് ശേഷമാണ് മമ്മൂട്ടിയും മോഹൻലാലും വീണ്ടും ഒരു സിനിമയ്ക്കായി ഒരുമിക്കുന്നത്. ഇപ്പോഴിതാ സിനിമയെക്കുറിച്ച് മനസുതുറക്കുകയാണ് സംവിധായകൻ മഹേഷ് നാരായണൻ. ഒരു സർപ്രൈസുകൾ ഉള്ള ഒരു കൊമേഴ്സ്യല്‍ സിനിമ ആണ് പേട്രിയറ്റ് എന്നും സിനിമയിൽ ഫാൻ മോമെന്റുകൾ ഉറപ്പായും ഉണ്ടാകുമെന്നും അദ്ദേഹം പറഞ്ഞു. മാതൃഭൂമിയുടെ ക ഫെസ്റ്റിൽ സംസാരിക്കുകയായിരുന്നു മഹേഷ് നാരായണൻ.

ന്യൂഡൽഹി: ദേശീയപാതയിൽ പരിക്കേറ്റവരെ ആശുപത്രിയിലെത്തിക്കുന്നവരെ ‘രാഹവീർ’ (പാതയിലെ വീരൻ) ആയി പ്രഖ്യാപിക്കുകയും കാൽലക്ഷം രൂപ പ്രതിഫലംനൽകുകയും ചെയ്യുമെന്ന്ഗതാഗത മന്ത്രി നിതിൻ ഗഡ്കരി പറഞ്ഞു. ആശുപത്രിയിൽ പ്രവേശിപ്പിക്കപ്പെട്ടവരുടെ ആദ്യ ഏഴുദിവസത്തെ 2.5 ലക്ഷം രൂപവരെയുള്ള ബില്ലും ദേശീയപാത അതോറിറ്റി ഇൻഷുറൻസിലൂടെ നൽകും. 10 മിനിറ്റിന്റെ വിളിപ്പുറത്ത് ആംബുലൻസ് എത്തിക്കാനും ആധുനികീകരിച്ച ആംബുലൻസ് സേവനത്തിനും സംസ്ഥാനങ്ങളുമായി ധാരണപത്രത്തിൽ ഒപ്പിട്ടിട്ടുണ്ടെന്നും ഇതിന് കേന്ദ്രീകൃതനമ്പർ കൊണ്ടുവരുമെന്നും മന്ത്രി വ്യക്തമാക്കി.

കാഞ്ഞങ്ങാട്: പെയ്തൊഴിയാത്ത മഴക്കാലം വിടവാങ്ങിയതോടെ ശൈത്യകാലം പടിവാതിൽക്കലെത്തിക്കഴിഞ്ഞു. ഉത്സവങ്ങളുടെയും കളിയാട്ടങ്ങളുടെയും വ്രതാനുഷ്ഠാനങ്ങളുടെയും കാലം കൂടിയാണ് മുന്നിലുള്ളത്. ഇതിനൊക്കെ പുറമെ, തിരഞ്ഞെടുപ്പുകാലവും. ഇവയെല്ലാം ഒത്തുചേരലുകളുടെയും യാത്രകളുടെയും സന്തോഷത്തിന്റെയും കാലമാണെങ്കിൽപോലും രോഗങ്ങളുടെയും പകർച്ചവ്യാധികളുടെയും കൂടി ഒരു സമ്മേളനകാലം കൂടിയാണെന്ന് ആരും മറക്കരുതെന്നാണ് ആരോഗ്യപ്രവർത്തകർ ഓർമിപ്പിക്കുന്നത്.

മെച്ചപ്പെട്ട ആരോഗ്യത്തിന് ഡയറ്ററി സപ്ലിമെന്റുകൾ എല്ലായ്പ്പോഴും നല്ലതാണ് എന്ന് നമ്മള്‍ കരുതും. എന്നാൽ സാധാരണയായി ഉപയോഗിക്കുന്ന ചില സപ്ലിമെന്റുകൾ കൊണ്ട് പ്രയോജനമില്ല എന്നു മാത്രമല്ല അവയിൽ അപകടങ്ങളും ഒളിഞ്ഞിരിപ്പുണ്ടെന്ന് വെൽനസ്സ് എക്സ്പർട്ട് ആയ ഡോ. എറിക് ബർഗ് പറയുന്നു. ഇത്തരത്തില്‍ വളരെ ശ്രദ്ധയോടെ സമീപിക്കേണ്ട ഏഴ് സപ്ലിമെന്റുകളെ അറിയാം. 1. സിന്തറ്റിക് വൈറ്റമിൻ എ (റെറ്റിനോൾ പാമിറേറ്റ്/ അസെറ്റേറ്റ്) കാഴ്ചശക്തിക്കും രോഗപ്രതിരോധശക്തിക്കും വൈറ്റമിൻ എ ആവശ്യമാണ്. എന്നാൽ സിന്തറ്റിക് രൂപത്തിലുള്ളവ ശരീരത്തില്‍ ഫലപ്രദമായി ആഗിരണം ചെയ്യപ്പെടില്ല. കരളിലോ കൊഴുപ്പു കലകളിലോ വൈറ്റമിൻ എ ധാരാളമായി അടിഞ്ഞുകൂടാം. സാധാരണ ഭക്ഷണത്തിലൂടെ (ഉദാഹരണമായി മുട്ട, കോഡ്‍ലിവർ ഓയിൽ തുടങ്ങിയവ) ഇവ ലഭിക്കുന്നതാണ് സുരക്ഷിതം. 2. സിന്തറ്റിക് വൈറ്റമിൻ ബി 12 (സയാനോകൊബാലമിൻ) വൈറ്റമിൻ ബി 12 ന്റെ സപ്ലിമെന്റ് രൂപമായ സയാനോകൊബാലമിനിൽ സയനൈഡിന്റെ അംശം ഉണ്ട്. ഇത് ശരീരത്തെ സംരക്ഷിക്കുന്ന ഗ്ലൂട്ടാത്തയോണിന്റെ അളവ് കുറയ്ക്കുന്നു. ഇതിനുപകരം മൃഗങ്ങളിൽ നിന്ന് ലഭിക്കുന്ന ഭക്ഷണങ്ങളിൽ കാണപ്പെടുന്ന ബയോ അവെയ്‌ലബിൾ മീഥൈൽ കൊബാലമിൻ ആണ് നല്ലത്.

നിത്യജീവിതത്തിൽ സ്ത്രീകൾ പലതരത്തിലുള്ള വെല്ലുവിളികളും നേരിടാറുണ്ട്. പ്രത്യേകിച്ച് ഒറ്റയ്ക്ക് യാത്ര ചെയ്യുമ്പോൾ. കഴിഞ്ഞ ദിവസം രാത്രി തിരുവനന്തപുരത്ത് കാറിൽ യാത്രചെയ്യുമ്പോൾ ഉണ്ടായ അനുഭവവും കേരള പൊലീസിന്റെ സഹായത്തിനും നന്ദി പറയുകയാണ് നടിയും എഴുത്തുകാരിയുമായ കൃഷ്ണതുളസി ഭായ്. ‘ആദ്യമേ പറയട്ടെ, കേരളാ പൊലീസിനു ഒരു ബിഗ്‌ സല്യൂട്ട്...!’ എന്ന തലക്കെട്ടോടെയാണ് സമൂഹമാധ്യമത്തിൽ അവർ കുറിപ്പ് എഴുതിയിരിക്കുന്നത്.

പങ്കാളിയുടെ ഭാഗത്തു നിന്നുണ്ടാകുന്ന പിഴവുകൾ കാരണം പല ബന്ധങ്ങളും തകരാറുണ്ട്. പക്ഷേ, പങ്കാളി ഒരു തെറ്റു ചെയ്താൽ പോലും അത് ക്ഷമിക്കാനും അതിനു പരിഹാരം കാണാനും തയാറാണെന്ന് ബോളിവുഡ് താരം തമന്ന ഭാട്ടിയ. ഒരു യുട്യൂബ് ചാനലിന് നൽകിയ അഭിമുഖത്തിലാണ് പങ്കാളിയിൽ നിന്ന് പ്രതീക്ഷിക്കുന്ന ഗുണങ്ങളെക്കുറിച്ച് തമന്ന വാചാലയായത്. തന്നെ സംബന്ധിച്ചിടത്തോളം ഒട്ടും സഹിക്കാൻ കഴിയാത്തത് പങ്കാളി കള്ളം പറയുന്നതാണെന്നും താരം തുറന്നു പറഞ്ഞു

ഏതു പ്രതികൂല ഘട്ടങ്ങളെയും ഒരു നിറചിരികൊണ്ട് നേരിടുന്ന സ്ത്രീ എന്നാണ് ഇന്ദുലേഖയെ അടുത്തറിയുന്നവര്‍ വിലയിരുത്തുന്നത്. പരാതിയുടെ ഭാണ്ഡക്കെട്ടുകള്‍ അഴിക്കാന്‍ നില്‍ക്കാതെ ജീവിതം എങ്ങനെ സുഗമമായി മുന്നോട്ട് കൊണ്ടുപോകാം എന്ന് ചിന്തിക്കുന്ന വ്യക്തി. തനിക്ക് താനും പുരയ്ക്ക് തൂണും എന്ന പോലെ സ്വന്തം കാലില്‍ നിവര്‍ന്നു നില്‍ക്കാന്‍ എന്നും അവര്‍ ശ്രമിച്ചു പോന്നു. സ്ത്രീകള്‍ സ്വയം പര്യാപ്തരാവേണ്ട കാലത്ത് അതുകൊണ്ട് തന്നെ ഇന്ദുവിന്റെ ജീവിതം ഒരു മാതൃകയാണ്. പുരാണ സീരിയലുകളില്‍ ഏറ്റവും കൂടുതല്‍ തവണ ദേവിയുടെ വേഷം ചെയ്ത ഇന്ദുലേഖയെ ദൈവം കണക്കിലേറെ പരീക്ഷിച്ചു. അതുപോലെ തന്നെ അതിനെയെല്ലാം മറികടക്കാനുളള ആത്മബലവും നല്‍കി.

നവംബർ 3 ആയുഷ്: പുതിയ അപേക്ഷ ആയുർവേദ, ഹോമിയോ, സിദ്ധ, യുനാനി ബിരുദപ്രവേശന മാനദണ്ഡത്തിൽ ഇളവു വരുത്തിയതിനാൽ പുതിയ അപേക്ഷ ഇന്നു രാത്രി 11.59 വരെ നൽകാം. ഫിസിക്സ്, കെമിസ്ട്രി, ബയോളജി അഥവാ ബയോടെക്നോളജി എന്നിവയോടെ 12 ജയിച്ച് നീറ്റ് യുജി യോഗ്യത നേടിയവർക്ക് അപേക്ഷിക്കാം. cee.kerala.gov.in

തേഞ്ഞിപ്പലം ∙ കേരളപ്പിറവി ദിനത്തിൽ കാലിക്കറ്റ് സർവകലാശാല 5 വൈജ്‍ഞാനിക ഓൺലൈൻ കോഴ്സുകൾ മലയാളത്തിൽ അവതരിപ്പിക്കുന്നു. 5 സൗജന്യ കോഴ്സുകളും യുജിസിയുടെ ‘സ്വയം’ ഓൺ‍ലൈൻ ഫ്ലാറ്റ്‌ഫോമിൽ അപ്‍‌ലോഡ് ചെയ്തതായി എജ്യുക്കേഷനൽ മൾട്ടിമീഡിയ റിസർച് സെന്റർ (ഇഎംഎംആർസി) ഡയറക്ടർ ദാമോദർ പ്രസാദ് അറിയിച്ചു. ജനുവരി മുതലുള്ള ക്ലാസിനു ഡിസംബറിൽ അപേക്ഷ ക്ഷണിക്കും.

രുവനന്തപുരം∙ പൊതു വിദ്യാലയങ്ങളിലെ 1 മുതൽ 9 വരെ ക്ലാസുകളിലെ വാർഷിക പരീക്ഷകൾ മാർച്ച് 12 മുതൽ. ഹൈസ്കൂളുകൾക്കൊപ്പമുള്ള എൽപി വിഭാഗം പരീക്ഷകൾ മാർച്ച് 12 മുതൽ 26 വരെയും യുപി / ഹൈസ്‌കൂൾ വിഭാഗം പരീക്ഷകൾ മാർച്ച് 6 മുതൽ 27 വരെയുമാണ്. ഹൈസ്‌കൂളിന്റെ ഭാഗമല്ലാത്ത എൽപി, യുപി ക്ലാസുകളുടെ പരീക്ഷകൾ മാർച്ച് 18 മുതൽ നടത്തും

ചൈനയുടെ കടുത്തനീക്കത്തിന്റെ ആഘാതത്തിൽ കഴിഞ്ഞദിവസം നഷ്ടത്തിലേക്ക് പതിച്ച സ്വർണവില മെല്ലെ കരകയറുന്നു. രാജ്യാന്തരവില ഔൺസിന് 3,962 ഡോളർ വരെ താഴ്ന്നശേഷം ഇപ്പോൾ 4,014ലേക്ക് തിരിച്ചുയർന്നു. ഇതോടെ ഇന്ന് കേരളത്തിലും വില കൂടി. ഗ്രാമിന് 15 രൂപ ഉയർന്ന് വില 11,920 രൂപയായി. 120 രൂപ വർധിച്ച് 90,320 രൂപയാണ് പവൻവില.

ബെംഗളൂരു ∙ യുഎസ് ആസ്ഥാനമായ പ്രമുഖ നിർമിത ബുദ്ധി (എഐ) കമ്പനി ‘ഓപ്പൺ എഐ’ ബെംഗളൂരുവിൽ സൊല്യൂഷൻസ് ആർക്കിടെക്ട് തസ്തികയിലേക്ക് റിക്രൂട്മെന്റ് ആരംഭിച്ചു. ചാറ്റ്ജിപിടിയുടെ നിർമാതാക്കളാണ് ഓപ്പൺ എഐ. നിർമിതബുദ്ധി, സോഫ്റ്റ് വെയർ എൻജിനീയറിങ്, പ്രോഡക്ട് ബിൽഡിങ് തുടങ്ങിയവയിൽ ഉയർന്ന സാങ്കേതിക പരിജ്ഞാനമുള്ളവരെയാണു കമ്പനി തേടുന്നത്. ഇതേ തസ്തികയിലേക്ക് ദക്ഷിണ കൊറിയയിലും നിയമനം നടത്തുന്നുണ്ട്. എഐ, സ്റ്റാർട്ടപ് മേഖല അതിവേഗം വളരുന്ന ഇന്ത്യയിൽ സാന്നിധ്യം വ്യാപിപ്പിക്കുകയാണു കമ്പനിയുടെ ലക്ഷ്യം.

ന്യൂഡൽഹി ∙ ബാങ്ക് അക്കൗണ്ട് തുറക്കുമ്പോൾ നോമിനിയെ വയ്ക്കാൻ താൽപര്യമില്ലെങ്കിൽ ഇക്കാര്യം ബാങ്കുകൾ എഴുതിവാങ്ങണമെന്നു റിസർവ് ബാങ്ക് ഉത്തരവിട്ടു. രേഖാമൂലം നൽകാൻ വിസമ്മതിച്ചാൽ രേഖകളിൽ ഉദ്യോഗസ്ഥർ ഇക്കാര്യം സൂചിപ്പിക്കണം.

പുകമഞ്ഞും പൊടിയും കൂടിയതോടെ ഡൽഹിയിൽ വായുനിലവാര സൂചിക (എക്യുഐ) 400 കടന്നു. 200നു മുകളിൽ ഈ സൂചിക എത്തുന്നതു തന്നെ രൂക്ഷ അവസ്ഥയാണു സൂചിപ്പിക്കുന്നത്. ദീപാവലി സീസണിലെ അനധികൃത പടക്കം പൊട്ടിക്കലും വാഹനപ്പുകയും അയൽ സംസ്ഥാനങ്ങളിൽ പാടങ്ങളിൽ തീയിട്ടതുമാണ് പുതിയ പ്രതിസന്ധിക്കു കാരണം. കൃത്രിമമഴ വഴി മലിനീകരണം കുറയ്ക്കാനുള്ള സംസ്ഥാന സർക്കാരിന്റെ ശ്രമവും വിജയിച്ചില്ല.

കളിക്കോപ്പുകൾക്കും കാർട്ടൂണുകൾക്കും ഇടയിൽ ആനന്ദം കണ്ടെത്തേണ്ട പ്രായത്തിൽ അഫിൻ മുഹമ്മദ് എന്ന പത്ത് വയസുകാരന് പ്രിയം മണ്ണിനോടും കൃഷിയോടുമാണ്. ടിവി കാണാൻ ഒട്ടും താല്പര്യമില്ല, ആ സമയം വീടിനു ചുറ്റുമുള്ള കൃഷിയിടത്തിൽ ചെലവഴിക്കാനാണ് അഫിന് താല്പര്യം. പാവൽ, കോവൽ, ചേമ്പ്, വെണ്ട, തക്കാളി, വിവിധയിനം മുളകുകൾ തുടങ്ങി പച്ചക്കറികളുടെ ഒരു നീണ്ട നിര തന്നെ ഈ പത്തു വയസ്സുകാരന്റെ ശ്രമഫലമായി ഇടപ്പള്ളി കുന്നുംപുറത്തെ വീടിനു ചുറ്റും വിളഞ്ഞു നിൽക്കുന്നു.

ആർട്ടിഫിഷ്യൽ ഇന്റലിജൻസ് സാങ്കേതികത ഉപയോഗിച്ച് കൃഷി കൂടുതൽ ലളിതവും ലാഭകരവുമാക്കാൻ ഒരുങ്ങുകയാണ് കേരളത്തിലെ വിവിധ പഞ്ചായത്തുകൾ. കാർഷിക രംഗത്ത് എഐ സാങ്കേതിക വിദ്യ ഉപയോഗപ്പെടുത്തി സ്മാർട്ട് ഫാമിങ് എന്ന നൂതന ആശയം പരീക്ഷണാടിസ്ഥാനത്തിൽ നടപ്പാക്കിയത് വിജയം കണ്ടുതുടങ്ങി. കിലയുടെയും സംസ്ഥാന ഹോർട്ടികൾചർ മിഷന്റെയും സഹകരണത്തോടെ പനവൂർ, ആനാട്, അരുവിക്കര, കരകുളം, വെമ്പായം എന്നീ അഞ്ച് പഞ്ചായത്തുകളിൽ നിന്ന് തിരഞ്ഞെടുത്ത 40 കർഷകർ മൊബൈൽ ആപ്പ് ഉപയോഗിച്ച് സ്മാർട് ഫാമിങ് രീതികൾ നടപ്പാക്കി വിജയിച്ചു കഴിഞ്ഞു

യേശു ചരിത്രത്തിലെ ഏറ്റവും സ്വാധീനമുള്ളതും ലോകമെമ്പാടും വ്യാപകമായി അറിയപ്പെടുന്നതുമായ വ്യക്തികളിൽ ഒരാളാണ്. വിവിധ മതങ്ങളിൽപ്പെട്ട കോടിക്കണക്കിന് ആളുകൾ അദ്ദേഹത്തെ ആദരിക്കുകയും ബഹുമാനിക്കുകയും ചെയ്യുന്നു. സാധാരണയായി അദ്ദേഹം ക്രിസ്തുമതവുമായി ബന്ധപ്പെട്ടാണ് കൂടുതലായി അറിയപ്പെടുന്നത്, പക്ഷേ ഇസ്ലാമിലും അദ്ദേഹത്തിന് വളരെ പ്രധാനപ്പെട്ട സ്ഥാനമുണ്ട് — എന്നാൽ അത് പലർക്കും അത്ര പരിചിതമല്ല. ഇസ്ലാമിൽ, യേശുവിനെ (ഇസാ എന്നു വിളിക്കുന്നു) ദൈവത്തിന്റെ പുത്രനായി കാണുന്നില്ല. പകരം, അല്ലാഹു തിരഞ്ഞെടുത്ത ഒരു പ്രവാചകനായും ദൂതനായും ആണ് അദ്ദേഹത്തെ കാണുന്നത്. പ്രവാചകന്മാരിൽ പ്രത്യേക സ്ഥാനമുള്ളവനായി ഇസ്ലാമിക പാരമ്പര്യം യേശുവിനെ അവതരിപ്പിക്കുന്നു. അതുപോലെ തന്നെ, അദ്ദേഹം അത്ഭുതങ്ങൾ നടത്തിച്ചവനായി, ദൈവിക ജ്ഞാനം പഠിപ്പിച്ച ഗുരുവായി, ദൈവത്തിന്റെ നീതിയുള്ള ദാസനായി വിവരണം ചെയ്യപ്പെടുന്നു. പക്ഷേ, ക്രിസ്തീയ വിശ്വാസവുമായി താരതമ്യം ചെയ്യുമ്പോൾ ഇസ്ലാമിൽ യേശുവിനെ കാണുന്ന രീതിയിൽ എന്തെല്ലാം വ്യത്യാസങ്ങളുണ്ട്? കൂടാതെ ഖുർആൻ അദ്ദേഹത്തിന്റെ ജീവിതത്തെക്കുറിച്ചും, അത്ഭുതങ്ങളെക്കുറിച്ചും, അവസാനം സംഭവിച്ചതിനെക്കുറിച്ചും എന്താണ് പറയുന്നത്

രാമായണത്തിലെ പ്രധാനപ്പെട്ട കഥാപാത്രങ്ങളിലൊന്നാണു ശൂർപ്പണഖ. രാമായണത്തിന്റെ കഥാഗതി വഴിതിരിച്ചുവിടുന്നത് രാവണന്റെ ഈ സഹോദരിയാണെന്നു വേണമെങ്കിൽ പറയാം. വിശ്രവസിന്റെയും കൈകസിയുടെയും പുത്രിയായ ശൂർപ്പണഖ തന്റേടവും ധൈര്യവുമുള്ള സ്ത്രീയായിരുന്നെങ്കിലും വൈകാരികമായ എടുത്തുചാട്ടങ്ങളുണ്ടായിരുന്നു അവർക്ക്. യുവതിയായിരിക്കേ കാലകേയവംശത്തിലെ വിദ്യുത്ജ്വിഹനെന്ന അസുരനെ ശൂർപ്പണഖ വിവാഹം കഴിച്ചു. എന്നാൽ രാവണനു താൽപര്യമില്ലാത്തയാളായിരുന്നു വിദ്യുത്ജ്വിഹന്‍. വിരോധം മൂത്തുവരികയും രാവണൻ വിദ്യുത്ജ്വിഹനെ വധിക്കുകയും ചെയ്തു. ഇതോടെ വിധവയായി മാറിയ ശൂർപ്പണഖ നാത്തൂനായ മണ്ഡോദരി പറഞ്ഞതനുസരിച്ചാണ് വിവിധ നാടുകളിൽ യാത്ര ചെയ്തു തുടങ്ങിയത്. തനിക്കിണങ്ങിയ ഒരു ഭർത്താവിനെ കണ്ടെത്താനായിരുന്നു ഈ യാത്രകൾ.

ജ്യോതിഷപ്രകാരം ചില നക്ഷത്രക്കാർ പൊതുവെ അഹങ്കാരികൾ എന്ന് മുദ്രകുത്തപ്പെടാറുണ്ട്. പക്ഷേ അടുത്ത് മനസിലാക്കുന്നവർ ഇക്കൂട്ടരുടെ ആത്മാർത്ഥതയിലും ഉദ്ദേശശുദ്ധിയിലും ആകൃഷ്ടരാകാറുണ്ട്. ഭരണി: ആത്മാഭിമാനത്തെ സംരക്ഷിക്കുന്ന വ്യക്തിത്വത്തിനു ഉടമയാണ് ഈ നക്ഷത്രക്കാർ. എടുത്തടിച്ചു സംസാരിക്കുന്ന പ്രകൃതമായതിനാൽ മറ്റുള്ളവരുടെ വിരോധം സമ്പാദിക്കാൻ കാരണമാകും. തമാശ രൂപേണ പറയുന്ന കാര്യങ്ങൾ പോലും മറ്റുള്ളവർക്ക് ബുദ്ധിമുട്ട് ഉണ്ടാകാനിടയുണ്ട്.

കേരളത്തിലേക്ക് വിദേശരാജ്യങ്ങളിൽ നിന്ന് വിനോദസഞ്ചാരികളെ എത്തിക്കാൻ സംസ്ഥാനത്തെ വിനോദസഞ്ചാര വകുപ്പ് അഹോരാത്രം പ്രയത്നം നടത്തിയിരുന്നു. കേരളം കാണാൻ വിദേശരാജ്യങ്ങളിൽ നിന്ന് വ്ലോഗർമാരും സഞ്ചാരികളും എത്തുകയും ചെയ്തു. എന്നാൽ, സ്ഥിരമായുള്ള ചട്ടക്കൂടുകളിൽ നിന്ന് മാറി 'ശരിക്കുള്ള കേരളം' കാണാൻ ഇറങ്ങിയ സഞ്ചാരികൾ എല്ലാവരും നാട്ടിലെ ഒരു പൊതുപ്രശ്നമാണ് ചൂണ്ടിക്കാണിക്കുന്നത്. അത് മറ്റൊന്നുമല്ല, യാതൊരു ബോധവുമില്ലാതെ അവിടെയും ഇവിടെയും വലിച്ചെറിയുന്ന മാലിന്യം തന്നെ.

കേരളം കാണാൻ എത്തിയ ഒരു ജർമൻ വ്ലോഗറുടെ വിഡിയോ ലോകമെങ്ങുമുള്ള മലയാളികളെ പിടിച്ചുലച്ചിരിക്കുകയാണ്. വിഡിയോയിൽ ഒരിടത്തു പോലും ഈ വ്ലോഗർ കേരളത്തെ കുറ്റപ്പെടുത്തുന്നില്ല. എന്നിട്ടും മലയാളികൾ കമൻ്റ് ബോക്സിൽ അയാളോട് ക്ഷമാപണം നടത്തി. ജർമ്മനിയിൽ നിന്ന് എത്തിയ അലക്സാണ്ടർ വെൽഡർ ആണ് 'കേരളത്തിലെ കുഴപ്പം നിറഞ്ഞ ബസ് യാത്ര' എന്ന അടിക്കുറിപ്പിൽ ഒരു ബസ് തേടി അലയുന്നതിന്റെ വിഡിയോ പങ്കുവച്ചത്. ഇന്ത്യയിലെ സാധാരണ ബസ് യാത്ര എന്നു പറഞ്ഞാണ് വിഡിയോ ആരംഭിക്കുന്നത്. ബുക്ക് ചെയ്ത മൂന്നാർ ബസ് തേടിയാണ് ഇദ്ദേഹത്തിന്റെ യാത്ര. ആദ്യം ചങ്ങനാശ്ശേരിയിലെ ഒരു ബസ് സ്റ്റോപ്പ് ആണ് കാണിക്കുന്നത്. എന്നാൽ, ബസ് സ്റ്റോപ്പിന്റെ ഒരു മൂലയ്ക്ക് നിറയെ മാലിന്യങ്ങൾ കൂട്ടിയിട്ടിരിക്കുകയാണ്. ഇതാണ് ലോകമെങ്ങുമുള്ള മലയാളികളെ ചൊടിപ്പിച്ചത്. അതിലേക്ക് വരുന്നതിനു മുൻപ് അലക്സ് മൂന്നാറിലേക്ക് ബസ് കിട്ടാൻ വേണ്ടി നടത്തിയ സാഹസങ്ങൾ നോക്കാം.

തിരുവനന്തപുരം രാജ്യാന്തര വിമാനത്താവളത്തിലെ സർവീസുകൾ 22 ശതമാനം കൂടും. ഞായറാഴ്ച മുതൽ 2026 മാർച്ച് 28 വരെയുള്ള വിന്റർ ഷെഡ്യൂൾ കാലയളവിലാണ് സർവീസുകൾ വർധിക്കുന്നത്. പ്രതിവാര എയർ ട്രാഫിക് മൂവ്‌മെന്റുകൾ 732 ആയി ഉയരും. നിലവിലെ സമ്മർ ഷെഡ്യൂളിൽ ഇത് 600 ആയിരുന്നു. നവി മുംബൈ, മംഗളൂരു, ട്രിച്ചി എന്നിവിടങ്ങളിലേക്ക് കൂടി ഉടൻ പുതിയ സർവീസുകൾ തുടങ്ങും. കണ്ണൂർ, കൊച്ചി, ബെംഗളൂരു, ഡൽഹി, മുംബൈ എന്നിവിടങ്ങളിലേക്ക് സർവീസുകളുടെ എണ്ണം കൂടും. വിദേശ നഗരങ്ങളായ ദമാം, റിയാദ്, കുവൈറ്റ്, ക്വാലാലംപുർ, മാലദ്വീപ് എന്നിവിടങ്ങളിലേക്കും സർവീസുകൾ വർധിക്കും