വയനാട്ടിൽ വൻ മയക്കുമരുന്ന് വേട്ട

വയനാട് തലപ്പുഴയിൽ വൻ മയക്കുമരുന്ന് വേട്ട. അതിമാരക മയക്കുമരുന്നുമായി അഞ്ച് പേർ പിടിയിലായി. പോലീസ് നടത്തിയ വാഹന പരിശോധനക്കിടെ രണ്ടിടത്തായാണ് അഞ്ച് പേർ മയക്കുമരുന്നുമായി പിടിയിലായത്. തലപ്പുഴ എസ്ഐ രാംകുമാറും സം​ഘവുമാണ് പരിശോധന നടത്തിയത്. വരയാൽ ഭാ​ഗത്ത് നടത്തിയ പരിശോധനയിൽ എംഡിഎംഎയുമായി രണ്ട് യുവാക്കളെ പിടികൂടി. ചിറക്കര സ്വദേശികളായ പാലാട്ടുകുന്നേല്‍ റിഷാദ് (29), കരിയങ്ങാടില്‍ നിയാസ് (29) എന്നിവരാണ് പിടിയിലായത്. ഇവര്‍ സഞ്ചരിച്ചിരുന്ന കാറും പോലീസ് കസ്റ്റഡിയിലെടുത്തിട്ടുണ്ട്.