മികച്ച സംസ്ഥാന ഏജൻസിക്കുള്ള പുരസ്‌കാരം സംസ്ഥാന പിന്നാക്കവിഭാ​ഗ വികസന കോർപറേഷൻ ലിമിറ്റഡിന്.

തിരുവനന്തപുരം : പിന്നാക്കവിഭാ​ഗത്തിന്റെ ഉന്നമനത്തിനായി പ്രവർത്തിച്ച മികച്ച സംസ്ഥാന ഏജൻസിക്കുള്ള പുരസ്‌കാരം സംസ്ഥാന പിന്നാക്കവിഭാ​ഗ വികസന കോർപറേഷൻ ലിമിറ്റഡ് നേടി. മാനേജിങ് ഡയറക്ടർ ഡോ. ആഭ റാണി സിങ്ങിൽനിന്ന് കോർപറേഷൻ ഡയറക്ടർ ദേവിദാസ് നാരയണൻ പുരസ്‌കാരം ഏറ്റുവാങ്ങി. അഞ്ചുവർ‌ഷത്തെ പ്രവർത്തന മികവിന്റെ അടിസ്ഥാനത്തിലാണ് ദേശീയ പിന്നാക്കവിഭാ​ഗ ധനകാര്യ വികസന കോർപറേഷൻ പുരസ്‌കാരം സമർപ്പിച്ചത്. നിരവധി വായ്പാ പദ്ധതികൾ കുറഞ്ഞ പലിശനിരക്കിലും ലളിതമായ വ്യവസ്ഥയിലും ​ഗുണഭോക്താക്കളിലേക്ക് നൽകുന്നതിനൊപ്പം 2021 -2022 സാമ്പത്തിക വർഷത്തിൽ ലാഭത്തിൽ മൂന്നിരിട്ടി വർധനയും കൈവരിച്ചു. പൊതുമേഖലാ സ്ഥാപനങ്ങളിലെ മികവിന്റെയും വളർച്ചയുടെയും അടിസ്ഥാനത്തിൽ ഡയമണ്ട് കാറ്റ​ഗറിയും നേടിയെടുത്തിരുന്നു. ഇവയെല്ലാം പരിഗണനയിലെടുത്താണ് പുരസ്കാരം നൽകിയത്‌.