കോണ്‍ഗ്രസ് ചിന്തന്‍ ശിബിരത്തിന്‌ ഇന്ന്‌ തുടക്കം

നിരന്തമായ തെരഞ്ഞെടുപ്പ്‌ തോൽവികളും സംഘടന ദൗർബല്യവും പരിഹരിക്കുമെന്ന്‌ പ്രഖ്യാപിച്ച്‌ കോൺഗ്രസ്‌ നടത്തുന്ന ചിന്തൻ ശിബിരത്തിന്‌ വെള്ളിയാഴ്‌ച തുടക്കമാകും. രാജസ്ഥാനിൽ ഉദയ്‌പുരിലെ പഞ്ചനക്ഷത്ര ഹോട്ടലായ താജ്‌ ആരവല്ലിയിലാണ്‌ മൂന്ന്‌ദിവസത്തെ സമ്മേളനം.ജി 23 വിഭാഗം നേതാവായ കപിൽ സിബൽ വിട്ടുനിൽക്കും. വെള്ളിയാഴ്‌ച ഉച്ചകഴിഞ്ഞ്‌ അധ്യക്ഷ സോണിയ ഗാന്ധിയുടെ ആമുഖ പ്രഭാഷണത്തോടെയാകും തുടക്കം. 422 പ്രതിനിധികൾ പങ്കെടുക്കും. ചിന്തൻ ശിബിരത്തിന്റെ ഭാഗമായി രൂപീകരിച്ച ആറ്‌ സമിതികൾ നൽകിയ റിപ്പോർട്ടിൽ ചർച്ച നടത്തും.