കൊച്ചി: കിഫ്ബി മസാല ബോണ്ട് കേസില് ഡോ ടി.എം തോമസ് ഐസക്കിന്റെ ചോദ്യം ചെയ്യല് തടഞ്ഞ സിംഗിള് ബെഞ്ച് വിധിക്കെതിരെ ഇഡി ഡിവിഷന് ബെഞ്ചിനെ സമീപിച്ചേക്കും. ഇക്കാര്യത്തില് ഇഡി സോളിസിറ്റര് ജനറലില് നിന്ന് നിയമോപദേശം തേടും. ഐസക്കിന്റെ ചോദ്യം ചെയ്യല് തെരഞ്ഞെടുപ്പ് കഴിഞ്ഞതിന് ശേഷം മതിയെന്ന് ഇഡിയോട് ഹൈക്കോടതി നിര്ദേശിച്ചിരുന്നു.
മസാല ബോണ്ടുമായി ബന്ധപ്പെട്ട ഭൂമിയിടപാടുകളിലാണ് ഇഡി വ്യക്തത തേടുന്നതെന്നാണ് വിവരം. മസാലബോണ്ടുപയോഗിച്ച് ഭൂമി വാങ്ങാന് റിസര്വ്വ് ബാങ്ക് അനുമതി ഉണ്ടായിരുന്നില്ല. എന്നാല് ചട്ടവിരുദ്ധമായി ഭൂമി വാങ്ങിയതായി ഇഡി കണ്ടെത്തിയിരുന്നു. ഇതില് തോമസ് ഐസകിന്റെ പങ്കിന് തെളിവുള്ളതായും ഇഡി വ്യക്തമാക്കുന്നു. വാങ്ങിയ ഭൂമിയുടെ രേഖകളും കോടതിയില് സമര്പ്പിച്ചു. മസാലബോണ്ടുമായി ബന്ധപ്പെട്ട് ചില ഇടപാടുകള്ക്ക് തോമസ് ഐസകില് നിന്നും വിശദീകരണം വേണമെന്നും എന്നാല് ഇപ്പോള് ചോദ്യം ചെയ്യേണ്ടതില്ലെന്നും ഹൈക്കോടതി വ്യക്തമാക്കുകയായിരുന്നു.