ഒഡീസിയസ് ചന്ദ്രനിൽ ഇറങ്ങി

വാഷിങ്ടൻ: ചരിത്രത്തിലാദ്യമായി സ്വകാര്യ കമ്പനിയുടെ പേടകം ചന്ദ്രോപരിതലത്തിൽ ഇറങ്ങി. യുഎസിലെ ഹൂസ്റ്റൺ ആസ്ഥാനമായുള്ള കമ്പനി ഇൻട്യൂട്ടീവ് മെഷീൻസിന്റെ ‘ഒഡീസിയസ്’ എന്ന റോബട് ലാൻഡറാണ് ചന്ദ്രനിലിറങ്ങിയത്. ഫെബ്രുവരി 15നു വിക്ഷേപിക്കപ്പെട്ട ‘ഒഡീസിയസ്’ 21നാണ് ചന്ദ്രന്റെ ഭ്രമണപഥത്തിലെത്തിയത്. 1972 ൽ അപ്പോളോ 17 പേടകമാണ് ഏറ്റവും ഒടുവിൽ ചന്ദ്രനിൽ ഇറങ്ങിയ അമേരിക്കൻ പേടകം.