അഴീക്കോട്: അഴീക്കോട് ചാൽ ബീച്ചിൽ കടലിൽ കുളിക്കുന്നതിനിടെ ചുഴിയിലകപ്പെട്ട് മുങ്ങിയ യുവാവ് മരിച്ചു. മുണ്ടേരി മുണ്ടേരിമൊട്ട പടന്നോട്ട് ബൈത്തുൽ ഫത്താഹിൽ മുനീസ് (24) ആണ് മരിച്ചത്. മുഹമ്മദിന്റെയും ഖദീജയുടെയും മകനാണ്‌ മരിച്ച മുനീസ്. സഹോദരങ്ങൾ: മുഹസിന. ഷമീല. മൃതദേഹം ജില്ലാ ആശുപത്രി മോർച്ചറിയിൽ. ഖബറടക്കം തിങ്കളാഴ്‌ച.
ഒപ്പമുണ്ടായിരുന്ന സുഹൃത്ത് മുണ്ടേരി ജെ ജെ ഹൗസിൽ തയ്സീറി (22) നെ കണ്ണൂരിലെ സ്വകാര്യ ആശുപത്രിയിലെ തീവ്രപരിചരണ വിഭാഗത്തിൽ പ്രവേശിപ്പിച്ചു. ഞായർ രാവിലെ 9.30ന് ചാൽബീച്ചിൽ നിന്ന് തെക്കുഭാഗത്ത് ഒരു കിലോമീറ്റർ മാറിയുള്ള സ്ഥലത്താണ് അപകടം. ഫുട്ബോൾ കളിക്കാനാണ് 10 പേരടങ്ങുന്ന യുവാക്കളുടെ സംഘം ചാൽ ബീച്ചിൽ എത്തിയത്. ഫുട്ബോൾ കളി കഴിഞ്ഞ് യുവാക്കൾ കടലിൽ കുളിക്കുന്നതിനിടെയാണ്‌ മുനീസും തയ്സീറും മുങ്ങിത്താഴ്‌ന്നത്‌. വിവരം അറിഞ്ഞ് നാട്ടുകാരും ലൈഫ് ഗാർഡും സ്ഥലത്തെത്തിയപ്പോഴേക്കും കൂടെയുണ്ടായിരുന്നവർ തയ്സീറിനെ രക്ഷപ്പെടുത്തി കരക്കെത്തിച്ചു.
മുനീസിനെ ലൈഫ് ഗാർഡുമാരായ അഖിൽ എം നായർ, എം വിഷ്ണു എന്നിവർ ചേർന്ന് കടലിലറങ്ങി കരക്കെത്തിച്ച്‌ പ്രാഥമിക ഗ്രൂശ്രൂഷ നൽകിയ ശേഷം കണ്ണൂരിലെ സ്വകാര്യ ആശുപത്രിയിൽ എത്തിക്കുകയായിരുന്നു. ചികിത്സയിലിരിക്കെ മുനീസ് പകൽ 2.30 ഓടെ മരിച്ചു. അഴീക്കൽ കോസ്റ്റൽ പൊലീസും സ്ഥലത്തെത്തിയിരുന്നു.
