ഗവർണർക്കെതിരെ വിമർശനവുമായി ഇടതു മുന്നണി യോഗം

തിരുവനന്തപുരം: ഗവർണർ ആരിഫ് മുഹമ്മദ് ഖാനെതിരെ രൂക്ഷ വിമർശനവുമായി ഇടതു മുന്നണി യോഗം. ഗവർണറുടേത് സംഘപരിവാർ അജണ്ടയെന്ന് വിമർശനം. കേരള സർവകലാശാലകളിൽ ആർഎസ്എസ് അനുകൂലികളെ തിരുകിക്കയറ്റാൻ ശ്രമമെന്നും യോഗം വിമർശിച്ചു. രാജ്ഭവന് മുന്നിൽ അടുത്ത മാസം 15ന് പ്രതിഷേധ കൂട്ടായ്മ സംഘടിപ്പിക്കുവാനും യോഗം തീരുമാനിച്ചു.അതേസമയം കെടിയു വിസിയെ പുറത്താക്കിയ സുപ്രീം കോടതി വിധിയുടെ പശ്ചാത്തലത്തിൽ യുജിസി മാനദണ്ഡം ലംഘിച്ച് നിയമിച്ച സംസ്ഥാനത്തെ അഞ്ച് വിസിമാരുടെ കാര്യത്തിൽ ഗവർണർ ഉടൻ തീരുമാനമെടുക്കാൻ സാധ്യത. സർക്കാറിനോടും വിസിമാരോടും ഗവർണ്ണർ വിശദീകരണം ചോദിക്കും.