പഞ്ചാബിനെതിരെ ‘സൂപ്പർ’ ജയം

ഇന്ത്യൻ പ്രീമിയർ ലീഗിൽ പഞ്ചാബ് കിംഗ്സിനെതിരായ മത്സരത്തിൽ ലക്നൗ സൂപ്പര്‍ ജയന്റ്സിന് 20 റൺസ് ജയം. ടോസ് നഷ്ടപ്പെട്ട് ആദ്യം ബാറ്റ് ചെയ്ത ലക്നൗ നിശ്ചിത 20 ഓവറിൽ 8 വിക്കറ്റ് നഷ്ടത്തിലാണ്   153 റൺസ് എടുത്തത്. 37 പന്തിൽ 46 റൺസെടുത്ത  ക്വിന്‍റണ്‍ ഡി കോക്ക് , 28 പന്തിൽ 34 റൺസ് എടുത്ത ദീപക് ഹൂഡ എന്നിവരുടെ പോരാട്ട മികവിലാണ് 153 എന്ന സ്കോറിലേക്കെത്തിയത് . മറുപടി ബാറ്റിംഗിനിറങ്ങിയ  പഞ്ചാബ് കിംഗ്സ്  വിജയലക്ഷ്യം കാണാനാകാതെ  8 വിക്കറ്റ് നഷ്ടത്തിൽ 133 ൽ ഒതുങ്ങുകയായിരുന്നു.