കേന്ദ്ര പൊതുമേഖലാസ്ഥാപനമായ ഫാക്ട് കഴിഞ്ഞ സാമ്പത്തികവർഷം 353 കോടി രൂപയുടെ പ്രവർത്തനലാഭം നേടി സർവകാല റെക്കോഡിട്ടു. 598 കോടി രൂപയാണ് പലിശയും നികുതിയും ചേർത്തിട്ടുള്ള ലാഭം. 2020–-21 സാമ്പത്തികവർഷം ഇത് 350 കോടിയും 595 കോടിയുമായിരുന്നു. ഈ വർഷം 4425 കോടി രൂപ വിറ്റുവരവ് നേടി. ഇത് ചരിത്രത്തിലെ ഉയർന്ന വിറ്റുവരവാണ്‌. മുൻ വർഷം ഇത് 3259 കോടി രൂപയായിരുന്നു.  ഇത്തവണ മികച്ച ഉൽപ്പാദനവും ഫാക്ട് കൈവരിച്ചു. ഫാക്ടംഫോസ് 8.27 ലക്ഷം ടണ്ണും അമോണിയം സൾഫേറ്റ് 1.37 ലക്ഷം ടണ്ണും കാപ്രോലാക്റ്റം 20,835 ടണ്ണുമാണ് ഉൽപ്പാദിപ്പിച്ചത്‌.