വാഹനാപകടത്തിൽ വാവാ സുരേഷിന് ഗുരുതരപരിക്ക്

തിരുവനന്തപുരം: കെഎസ്ആർടിസി ബസും കാറും കൂട്ടിയിടിച്ച് വാവാ സുരേഷിന് ഗുരുതരപരിക്ക്. തിരുവനന്തപുരത്തുനിന്നും നിലമേൽ ഭാഗത്തേക്ക് പോവുകയായിരുന്നു വാവ സുരേഷ്. അദ്ദേഹം സഞ്ചരിച്ചിരുന്ന കാറിന് മുന്നിൽ പോയിരുന്ന കാർ നിയന്ത്രണം തെറ്റി മൺതിട്ടയിലിടിച്ചതിന് ശേഷം വാവാ സുരേഷ് സഞ്ചരിച്ച കാറിലിടിച്ചു. തുടർന്ന് അദ്ദേഹം സഞ്ചരിച്ച കാർ നിയന്ത്രണം തെറ്റി എതിരേ വന്ന കെ.എസ്.ആർ.ടിസി ബസിൽ ഇടിക്കുകയായിരുന്നു. അപകടത്തിൽ വാവാ സുരേഷിന്റെ മുഖത്താണ് പരിക്കേറ്റത്. ഇദ്ദേഹത്തെ തിരുവനന്തപുരം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. നിലവിൽ നിരീക്ഷണത്തിലാണ് വാവാ സുരേഷ്.