മഹിന്ദ രജപക്‌സെ പുറത്തേക്ക്‌

ശ്രീലങ്കയിൽ മഹിന്ദ രജപക്‌സെയെ പ്രധാനമന്ത്രി സ്ഥാനത്തുനിന്ന് നീക്കാനുള്ള ആവശ്യം പ്രസിഡന്റും സഹോദരനുമായ  ഗോതബായ രജപക്‌സെ അംഗീകരിച്ചതായി റിപ്പോർട്ട്‌. എല്ലാ പാർടിക്കും പ്രാതിനിധ്യമുള്ള ഇടക്കാല സർക്കാർ രൂപീകരിക്കും. 20 അംഗ മന്ത്രിസഭ രൂപീകരിക്കുമെന്നും പുതിയ പ്രധാനമന്ത്രിയെ തെരഞ്ഞെടുക്കാൻ ദേശീയ കൗൺസില്‍ രൂപീകരിക്കുമെന്നും  പ്രസിഡന്റുമായുള്ള കൂടിക്കാഴ്‌ചയ്‌ക്കുശേഷം മുന്‍പ്രസിഡന്റ് മൈത്രിപാല സിരിസേന പറഞ്ഞു. കൗൺസിലില്‍ എല്ലാ പാർടി പ്രതിനിധികളും ഉണ്ടാകും.