ബസ്സുടമയെ കസ്‌റ്റഡിയിലെടുത്ത്‌ മർദിച്ചതായി പരാതി; ധർമടം എസ്‌എച്ച്‌ഒവിന്‌ സസ്‌പെൻഷൻ.

ധർമടം> വിഷുദിനത്തിൽ ധർമടം ചാത്തോടത്തുനിന്ന്‌ കസ്‌റ്റഡിയിലെടുത്ത ബസ്സുടമയെ ധർമടം എസ്‌എച്ച്‌ഒ കെ വി സ്‌മിതേഷ്‌ മർദിച്ചതായി പരാതി. മദ്യപിച്ച്‌ വാഹനം ഓടിച്ചെന്നാരോപിച്ച്‌ കസ്‌റ്റഡിയിലെടുത്ത മമ്പറം കീഴത്തൂർ ‘ബിന്ദു’ നിവാസിൽ കെ സുനിൽകുമാറി(53)നെയാണ്‌ മദ്യലഹരിയിലായിരുന്ന എസ്‌എച്ച്‌ഒ ലാത്തികൊണ്ടടിച്ചത്‌.  ജാമ്യത്തിലെടുക്കാൻ സ്‌റ്റേഷനിലെത്തിയ ഹൃദ്രോഗിയായ അമ്മ രോഹിണി (70)യെ അസഭ്യം പറയുകയും തള്ളിയിട്ടതായും കുടുംബം ആരോപിക്കുന്നു. തലശേരിയിലെ സ്വകാര്യാശുപത്രിയിൽ ഇവർ ചികിത്സതേടി. ബന്ധുക്കൾ സ്‌റ്റേഷനിലേക്ക്‌ വന്ന കാറിന്റെ മുൻഭാഗത്തെ ഗ്ലാസ്‌  തകർത്തതായും പരാതിയിൽ പറയുന്നു.