അമ്പലപ്പുഴ: കരുമാടി തോട്ടിൽ ഗൃഹനാഥനെ മരിച്ച നിലയിൽ കണ്ടെത്തി.അമ്പലപ്പുഴ ആമയിട പതിനഞ്ചിൽ വീട്ടിൽ അജിത് കെ നായർ (60) നെ ആണ് മരിച്ച നിലയിൽ കണ്ടെത്തിയത്. മൈക്ക് സെറ്റ് ഓപ്പറേറ്റർ ആയിരുന്നു.
രാവിലെ 8 ഓടെ കരുമാടിതോട്ടിൽ മൃതദേഹം ഒഴുകി നടക്കുന്നതു കണ്ട് നാട്ടുകാർ അമ്പലപ്പുഴ പൊലീസിനെ വിവരം അറിയിക്കുകയായിരുന്നു.ഇൻക്വസ്റ്റ് തയ്യാറാക്കി മൃതദേഹം ആലപ്പുഴ മെഡിക്കൽ കോളേജ് ആശുപത്രിയിലേക്കു മാറ്റി. രാത്രി ഇയ്യാൾ വീട്ടിൽ എത്തിയിരുന്നില്ല. ഇയാളുടെ സ്കൂട്ടർ കരുമാടി പമ്പ് ഹൗസ് ഭാഗത്ത് പാർക്ക് ചെയ്തിരുന്നു. കരുമാടി പാലത്തിന് തെക്കുഭാഗത്തായാണ് മൃതദേഹം കാണപ്പെട്ടത്.അമ്പലപ്പുഴ പൊലീസ് മേൽനടപടി സ്വീകരിച്ചു. ഭാര്യ: പ്രീത. മക്കൾ: ഇന്ദു, സന്ദീപ്. മരുമകൻ: രാഗേഷ് .
