എസ്.എസ്.എൽ.സി. , ഹയർ സെക്കണ്ടറി മൂല്യനിർണ്ണയം ഇന്ന് ആരംഭിക്കും.

തിരുവനന്തപുരം: എസ്.എസ്.എൽ.സി. മൂല്യനിർണ്ണയം ഇന്ന് ആരംഭിക്കും. 70 ക്യാമ്പുകളിലായി പതിനായിരത്തോളം അധ്യാപകർ പങ്കെടുക്കുമെന്നാണ് കണക്ക്. ഹയർ സെക്കണ്ടറി മൂല്യനിർണ്ണയത്തന് 77 ക്യാമ്പുകളിലായി ഇരുപത്തി അയ്യായിരത്തോളം അധ്യാപകർ പങ്കെടുക്കും. വൊക്കേഷണൽ ഹയർ സെക്കണ്ടറി മൂല്യനിർണ്ണയ ക്യാമ്പുകൾക്കും ഇന്ന് തുടക്കമാകും. 8 ക്യാമ്പുകളിലായി 2200  അധ്യാപകർ പങ്കെടുക്കും. തിരഞ്ഞെടുപ്പ് നടപടി ക്രമങ്ങളെ ബാധിക്കാത്ത രീതിയിലായിരിക്കും മൂല്യനിർണ്ണയ ക്യാമ്പുകളുടെ പ്രവർത്തനം.