ആലപ്പുഴ ജിംഖാന’ എന്ന സിനിമ തന്റെ ജീവിതത്തെ മാറ്റി മറിച്ചെന്ന് നടൻ നസ്‌ലിൻ

21/8/25

‘ആലപ്പുഴ ജിംഖാന’ എന്ന സിനിമ തന്റെ ജീവിതത്തെ മാറ്റി മറിച്ചെന്ന് നടൻ നസ്‌ലിൻ. നന്നായി വർക്കാകുമെന്ന് കരുതിയതു കൊണ്ടാണ് ജിംഖാനയിലെ കഥാപാത്രം തിരഞ്ഞെടുത്തത്, പക്ഷേ സിനിമയ്ക്കപ്പുറം ആ കഥാപാത്രം ജീവിതത്തിൽ മാറ്റങ്ങളുണ്ടാക്കിയെന്ന് നസ്‍ലിൻ പറയുന്നു. കഥാപാത്രത്തിനായുള്ള ട്രെയിനിങ്ങിൽ ശാരീരിക സൗന്ദര്യവും ആരോഗ്യവും നേടിയെടുക്കാൻ കഴിഞ്ഞു. അച്ചടക്കമുള്ളൊരു ജീവിത ശൈലിയുണ്ടാക്കിയെടുക്കാനും ആ ചിത്രത്തിലൂടെ സാധിച്ചു. നല്ലപോലെ തല്ലു കൊള്ളുന്ന നായകനാണ് ജിംഖാനയിലേത്, റിയൽ ലൈഫിൽ ആർക്കും ആരെയും പെട്ടെന്ന് ഇടിച്ചു തോൽപ്പിക്കാനാകില്ല. ‘ലോക’ എന്ന സിനിമയുടെ പ്രമോഷനുമായി ബന്ധപ്പെട്ട് മനോരമ ഒാൺലൈന് നൽകിയ അഭിമുഖത്തിലായിരുന്നു നസ്‌ലിന്റെ പ്രതികരണം.