കേരളത്തിലെ രണ്ട് വിമാനത്താവളങ്ങള്‍ വഴിയുള്ള സ്വര്‍ണക്കടത്തിന് കൂട്ടുനിന്ന ഡല്‍ഹി സ്വദേശികളായ രോഹിത് കുമാര്‍ ശര്‍മ, കൃഷന്‍ കുമാര്‍, ബിഹാര്‍ സ്വദേശി സാകേന്ദ്ര പാസ്വാന്‍ എന്ന മൂന്നു കസ്റ്റംസ് ഉദ്യോഗസ്ഥരെയാണ് സര്‍വീസില്‍ നിന്നും പിരിച്ചുവിട്ടത്. നേരത്തെയും ഇവർക്കെതിരെ സ്വർണക്കടത്തിന് നടപടി എടുത്ത് പിരിച്ചു വിട്ടിരുന്നുവെങ്കിലും പിന്നീട് ഇവരെ തിരിച്ചെടുക്കുകയായിരുന്നു. എന്നാൽ ഇവർക്കെതിരെ രണ്ടാമത് നടത്തിയ അന്വേഷണത്തിലും കുറ്റക്കാരെന്ന് കണ്ടെത്തിയതോടെയാണ് പിരിച്ചുവിടൽ നടപടി സ്വീകരിച്ചത്. വളരെ അപൂർവമായിട്ടാണ് കസ്റ്റംസില്‍ നിന്നും ഇത്തരത്തിൽ ജീവനക്കാരെ പിരിച്ചുവിടുന്നത്. ഇവർ മൂന്നുപേരെയും കള്ളക്കടത്തുകാരുമായി ബന്ധപ്പെടുത്തിയ കസ്റ്റംസ് ഉദ്യോഗസ്ഥനും ഡല്‍ഹി സ്വദേശിയുമായ രാഹുല്‍ പണ്ഡിറ്റിനെ മൂന്നുവര്‍ഷം മുൻപ് പുറത്താക്കിയിരുന്നു.
കേരളത്തിലെ വിമാനത്താവളങ്ങള്‍ വഴിയുള്ള സ്വര്‍ണക്കടത്തിന് കൂട്ടുനിന്ന മൂന്നു കസ്റ്റംസ് ഉദ്യോഗസ്ഥരെ സര്‍വീസില്‍ നിന്നും പിരിച്ചുവിട്ടു
