ആധാർ കാർഡിലെ വിവരങ്ങൾ സൗജന്യമായി പുതുക്കുന്നതിന് വേണ്ടിയുള്ള തീയതി വീണ്ടും നീട്ടി 

ആധാർ കാർഡിലെ വിവരങ്ങൾ സൗജന്യമായി പുതുക്കുന്നതിന് വേണ്ടിയുള്ള തീയതി വീണ്ടും നീട്ടി യുണീക് ഐഡന്റിഫിക്കേഷൻ അതോറിറ്റി ഓഫ് ഇന്ത്യ (യുഐഡിഎഐ). സൗജന്യമായി ആധാർ പുതുക്കാനുള്ള സമയപരിധി നാളെ ഡിസംബർ 14ന് അവസാനിക്കാനിരിക്കെയാണ് തീയതി നീട്ടിയതായിട്ടുള്ള അറിയിപ്പുണ്ടാകുന്നത്. 2024 മാർച്ച് 14 വരെ ജനങ്ങൾക്ക് ആധാർ വിവരങ്ങൾ സൗജന്യമായി പുതുക്കാൻ സാധിക്കുന്നതാണ്. നേരത്തെ ഈ വർഷം ജൂൺ 14ന് സമയപരിധി വെച്ചുകൊണ്ടായിരുന്നു യുഐഡിഎഐ ആധാർ പുതുക്കുന്നതിനായി അറിയിപ്പ് ഇറക്കിയത് തുടർന്നാണ് ഡിസംബറിലേക്ക് സമയപരിധി നീട്ടിയത്.യുഐഡിഎഐ വെബ്സൈറ്റിലൂടെയോ ആപ്ലിക്കേഷനിലൂടെയോ ആധാർ പുതുക്കുന്നത് സൗജന്യമായി തുടരും. അതേസമയം അക്ഷയ കേന്ദ്രങ്ങൾ വഴിയുള്ള ഈ സേവനങ്ങൾക്ക് 50 രൂപ ഫീസായി നൽകണം.