ചേരാനല്ലൂർ വാഹനാപകട കേസ്: തുടർനടപടിക്കായി എഡിജിപി ഇന്ന് കൊച്ചിയിൽ

27 October 2026

Althaf

ചേരാനല്ലൂർ വാഹനാപകട കേസിൽ തുടർനടപടികൾക്കായി എഡിജിപി പി. വിജയൻ ഇന്ന് കൊച്ചിയിലെത്തും. ആഭ്യന്തരമന്ത്രി രമേശ് ചെന്നിത്തലയുടെ നിർദേശപ്രകാരമാണ് സന്ദർശനം. പ്രതിയായ 17കാരന്റെ ജാമ്യം റദ്ദാക്കുന്നത് ഉൾപ്പെടെയുള്ള നടപടികളിലേക്ക് പോലീസ് കടക്കും. കൊല്ലപ്പെട്ട ജയ ബാലകൃഷ്ണന്റെ കുടുംബം ഉന്നയിച്ച ആവശ്യങ്ങളിന്മേൽ നടപടി സ്വീകരിക്കുന്നതിന്റെ ഭാഗമാണ് സന്ദർശനം. തെളിവ് നശിപ്പിക്കാൻ കൂട്ടുനിന്ന പോലീസ് ഉദ്യോഗസ്ഥർക്കെതിരെ നടപടിയും, പ്രതിയുടെ പിതാവായ അഡീഷണൽ ജില്ലാ ജഡ്ജിയുടെ അറസ്റ്റുമാണ് കുടുംബത്തിന്റെ പ്രധാന ആവശ്യങ്ങൾ. മുഖ്യമന്ത്രി കുടുംബവുമായി സംസാരിച്ച് സഹായം വാഗ്ദാനം ചെയ്തതിനെ തുടർന്ന് സ്റ്റേഷന് മുന്നിലെ സമരം താൽക്കാലികമായി നിർത്തിയിരുന്നു. ഇന്ന് വൈകിട്ട് 4 മണിക്കുള്ളിൽ അനുകൂല തീരുമാനം ഉണ്ടായില്ലെങ്കിൽ ശക്തമായ സമരം വീണ്ടും തുടങ്ങുമെന്ന് കുടുംബം അറിയിച്ചു. കൊച്ചി ചേരാനല്ലൂരിൽ (കണ്ടെയ്നർ റോഡ്) പ്രായപൂർത്തിയാകാത്ത ആൺകുട്ടി ഓടിച്ച ബെൻസ് കാറിടിച്ച് മാഞ്ഞാലി സ്വദേശി ജയബാലകൃഷ്ണൻ മരിച്ച വാഹനാപകട കേസുമായി ബന്ധപ്പെട്ട്..