കേരളത്തിൽ MBBS, BDS പ്രവേശനം: ഓപ്ഷൻ രജിസ്ട്രേഷൻ ഇന്ന് ഉച്ചയ്ക്ക് 12ന് അവസാനിക്കും

തിരുവനന്തപുരം | ഓഗസ്റ്റ് 20, 2026

Antony jackson

കേരളത്തിലെ മെഡിക്കൽ, ഡെന്റൽ കോളേജുകളിലെ 2026–27 അധ്യയന വർഷത്തെ MBBS, BDS പ്രവേശനത്തിനുള്ള ഓപ്ഷൻ രജിസ്ട്രേഷൻ ഇന്ന് ഉച്ചയ്ക്ക് 12 മണിക്ക് അവസാനിക്കും. മെഡിക്കൽ പ്രവേശനത്തിനുള്ള സംസ്ഥാന റാങ്ക് ലിസ്റ്റ് പ്രസിദ്ധീകരിച്ചതിന് പിന്നാലെയാണ് പ്രവേശന നടപടികളുടെ ഭാഗമായി ഓപ്ഷൻ രജിസ്ട്രേഷൻ ആരംഭിച്ചത്. NEET UG 2026 അടിസ്ഥാനമാക്കി കേരളത്തിലെ മെഡിക്കൽ, മെഡിക്കൽ അനുബന്ധ കോഴ്സുകളിലേക്കുള്ള റാങ്ക് ലിസ്റ്റ് ഓഗസ്റ്റ് 14ന് പ്രസിദ്ധീകരിച്ചിരുന്നു. തുടർന്ന് MBBS, BDS കോഴ്സുകളിലേക്കുള്ള option registration സൗകര്യം ഓഗസ്റ്റ് 15ന് ആരംഭിച്ചു. റാങ്ക് ലിസ്റ്റിൽ ഉൾപ്പെട്ട വിദ്യാർത്ഥികൾക്ക് തങ്ങളുടെ ഇഷ്ടപ്പെട്ട കോളേജുകളും കോഴ്സുകളും മുൻഗണനാക്രമത്തിൽ നൽകാൻ അവസരമുണ്ട്. ഓപ്ഷനുകൾ സമർപ്പിക്കുന്നതിന് മുമ്പ് കോളേജുകളുടെ മുൻഗണനാക്രമം ശ്രദ്ധാപൂർവം പരിശോധിക്കണമെന്ന് അധികൃതർ നിർദേശിക്കുന്നു. ഓപ്ഷൻ രജിസ്ട്രേഷൻ പൂർത്തിയാക്കിയ ശേഷം സംസ്ഥാനതല അലോട്ട്മെന്റ് നടപടികൾ ആരംഭിക്കും. അലോട്ട്മെന്റ് ലഭിക്കുന്ന വിദ്യാർത്ഥികൾ നിശ്ചിത സമയപരിധിക്കുള്ളിൽ ഫീസ് അടച്ച് ബന്ധപ്പെട്ട കോളേജിൽ പ്രവേശനം നേടേണ്ടതുണ്ട്. കേരളത്തിലെ MBBS, BDS പ്രവേശനവുമായി ബന്ധപ്പെട്ട ഏറ്റവും പുതിയ അറിയിപ്പുകൾ Commissioner for Entrance Examinations (CEE) വെബ്സൈറ്റിലാണ് പ്രസിദ്ധീകരിക്കുന്നത്. ഔദ്യോഗിക അറിയിപ്പ്: CEE Kerala CEE Kerala – Official Admission Portal