ടൂറിസം കേന്ദ്രമായ കേരളം; ആറുമാസത്തിൽ 1.23 കോടിയോളം സഞ്ചാരികളെ അഭിമുഖീകരിച്ചു, മുൻനിരയിലുള്ള സ്ഥലങ്ങൾ.

07|08|2026

Sabu Joseph

കൊച്ചി: സംസ്ഥാനത്തേക്ക് ടൂറിസ്റ്റുകളുടെ വരവിൽ വൻ വർധനവ്. കേരളത്തിലേക്കുള്ള ആഭ്യന്തര, വിദേശ സഞ്ചാരികളുടെ എണ്ണം റെക്കോഡിലേക്കാണ് നീങ്ങുന്നത്. 2025 ജൂൺ വരെയുള്ള ആറുമാസ കാലയളവിനിടയിൽ 1.23 കോടി സഞ്ചാരികളാണ് സംസ്ഥാനം സന്ദർശിച്ചത്. മനോഹര സ്ഥലങ്ങൾക്കൊപ്പം സുരക്ഷിത യാത്രയാണ് കേരളത്തെ ആഗോള ടൂറിസം ഹോട്ട്‌സ്‌പോട്ടാക്കി മാറ്റുന്നത്. ഈ വർ ഷം ജൂൺ വരെ 1,23,72,864 സഞ്ചാരികളാണ് കേരളത്തിലെ വിവിധ ജില്ലകൾ സന്ദർശിച്ചത്. ഇതിൽ 1,19,89,864 പേർ ആഭ്യന്തര സഞ്ചാരികളാണ്. വിദേശസഞ്ചാരികളുടെ എണ്ണം 3,83,000. കഴിഞ്ഞവർഷം ഇതേ കാലയളവിൽ (2024 ജനുവരി - ജൂൺ) ആകെ 1.12 കോടി (1,12,15572) സഞ്ചാരികളായിരുന്നു കേരളത്തിലെത്തിയത്. ഈ നമ്പറിലാണ് വർധനവുണ്ടായത്.