റഷ്യ,യുക്രെയ്ൻ യുദ്ധം; റഷ്യയെയും പ്രസിഡൻ്റ് വ്ലാഡിമിർ പുട്ടിനെയും ഒരുപോലെ പ്രതിസന്ധിയിലാക്കി യുക്രെയ്ന്റെ ഡ്രോൺ ആക്രമണങ്ങൾ

29/06/2026

റഷ്യ,യുക്രെയ്ൻ യുദ്ധം നാലാം വർഷം പിന്നിടുമ്പോൾ ലോകത്തെ ഏറ്റവും വലിയ സൈനിക ശക്തികളിലൊന്നായ റഷ്യയെയും പ്രസിഡൻ്റ് വ്ലാഡിമിർ പുട്ടിനെയും ഒരുപോലെ പ്രതിസന്ധിയിലാക്കി യുക്രെയ്ന്റെ ഡ്രോൺ ആക്രമണങ്ങൾ. റഷ്യയുടെ ആഭ്യന്തര ഇന്ധന വിതരണത്തെപ്പോലും ബാധിക്കുന്ന തരത്തിൽ അതിർത്തിയിൽ നിന്നും ആയിരത്തിലധികം കിലോമീറ്റർ അകലെയുള്ള മോസ്കോയിലെയും ക്രാസ്നോദറിലെയും യാരോസ്ലാവിലെയും വമ്പൻ എണ്ണശുദ്ധീകരണ ശാലകളാണ് യുക്രെയ്ൻ ഡ്രോണുകൾ തകർത്തെറിഞ്ഞത്. അത്യാധുനിക വ്യോമപ്രതിരോധ സംവിധാനങ്ങളായ എസ്-400 (S-400), പാൻസിർ (Pantsir) എന്നിവയുണ്ടായിട്ടും യുക്രെയ്ൻ ഈ ചെറിയ ഡ്രോണുകളെ തടയാൻ റഷ്യയ്ക്ക് സാധിക്കാത്തത് എന്തുകൊണ്ടാണെന്ന കൗതുകകരമായ പ്രതിരോധ സമസ്യയ്ക്കുള്ള ഉത്തരമാണ് ഇപ്പോൾ രാജ്യാന്തര തലത്തിൽ ചർച്ചയാകുന്നത്.