സൗദിയിലെ റാസ് തനുറ ടെർമിനലിൽ നിന്നു;ഹോർമുസ് വഴിയുള്ള എണ്ണ വിതരണം അതിവേഗം സാധാരണ

27/06/2026

ദുബായ്: സൗദിയിലെ റാസ് തനുറ ടെർമിനലിൽ നിന്നു. 4 മാസത്തിനു ശേഷം ടാങ്കറുകളിൽ അസംസ്‌കൃത എണ്ണ നിറച്ചു തുടങ്ങി. ഇതോടെ ഹോർമുസ് വഴിയുള്ള എണ്ണ വിതരണം അതിവേഗം സാധാരണ. നിലയിലാകും. സൗദിയിലെ ഏറ്റവും വലിയ എണ്ണ കമ്പനിയായ അരാംകോയാണു കയറ്റുമതി വീണ്ടും തുടങ്ങുന്നത്.ചെങ്കടലിലെ യാൻബു തുറമുഖത്ത് നിന്നാണ് ഇപ്പോൾ സൗദി എണ്ണ കയറ്റുമതി ചെയ്യുന്നത്. ഇത് ആകെ കയറ്റുമതിയുടെ 75% മാത്രമേ വരൂ. റാസ് തനുറ ടെർമിനലിലെ ജുഅയ്‌മാഹ് ലോഡിങ് പോയിൻ്റിൽ സൗദി ഉടമസ്‌ഥതയിലുള്ള ബഹ്റി കമ്പനിയുടെ സായ്‌നാഹ്, അമദ് എന്നീ പടുകൂറ്റൻ ടാങ്കറുകളാണു നങ്കൂരമിട്ടിരിക്കുന്നത്. സമീപത്തായി ഖസ്ബ എന്ന ടാങ്കറുമുണ്ട്. ഈ ടാങ്കറുകൾ ട്രാക്കിങ് സിഗ്നൽ ഓഫ് ചെയ്‌താണു ഹോർമുസ് കടന്നു സൗദി തീരത്ത് എത്തിയത്. ബഹ്റി കമ്പനിയുടെ 3 സൂപ്പർ ടാങ്കറുകൾ കൂടി ഒമാൻ സമുദ്രാതിർത്തിയിൽ കാത്തുകിടക്കുകയാണ്. റാസ് തനുറയിൽ അസംസ്‌കൃത എണ്ണയ്ക്കു പുറമേ എൽപിജിയും ശുദ്ധീകരിച്ച എണ്ണയും കയറ്റുമതി ചെയ്യുന്ന രണ്ടു ടെർമിനലുകൾ കൂടി പ്രവർത്തിക്കുന്നുണ്ട്. ഒരേ സമയം 12 ടാങ്കറുകളിൽ ഇന്ധനം നിറയ്ക്കാനുള്ള സൗകര്യമുണ്ട്.