കുട്ടികൾക്ക് ഷിഗെല്ല രോഗബാധ സ്ഥിരീകരിച്ചതായി ആരോഗ്യമന്ത്രി

09/06/2026

കൽപ്പറ്റ: വയനാട് ജില്ലയിൽ 21 കുട്ടികൾക്ക് ഷിഗെല്ല രോഗബാധ സ്ഥിരീകരിച്ചതായി ആരോഗ്യമന്ത്രി കെ മുരളീധരൻ അറിയിച്ചു. നിലവിൽ രോഗലക്ഷണങ്ങളോടെ 4 പേർ കൂടി ആരോഗ്യവകുപ്പിൻ്റെ നിരീക്ഷണത്തിലാണ്. ജില്ലയിലെ സ്ഥിതിഗതികൾ നിലവിൽ പൂർണ്ണമായും നിയന്ത്രണവിധേയമാണെന്നും പ്രതിരോധ പ്രവർത്തനങ്ങൾ നേരിട്ട് വിലയിരുത്തുന്നതിനായി വയനാട്ടിലെത്തുമെന്നും മന്ത്രി വ്യക്തമാക്കി. വയനാട്ടിൽ രോഗബാധ സ്ഥിരീകരിച്ച സാഹചര്യത്തിൽ സുൽത്താൻ ബത്തേരിയിൽ അടിയന്തര ഉന്നതതല യോഗം ചേരുമെന്ന് മന്ത്രി ടി സിദ്ദിഖ് അറിയിച്ചു. ഷിഗെല്ല ബാധയെ സർക്കാർ അതീവ ഗൗരവത്തോടെയാണ് കാണുന്നത്. രോഗബാധിതരായ കുട്ടികളുമായി സമ്പർക്കത്തിൽ ഏർപ്പെട്ടിട്ടുള്ളവർ കർശനമായ ജാഗ്രത പുലർത്തണമെന്നും ആരോഗ്യവകുപ്പിൻ്റെ നിർദ്ദേശങ്ങൾ പാലിക്കണമെന്നും ടി സിദ്ദിഖ് കൂട്ടിച്ചേർത്തു. ഷിഗെല്ല ഇനത്തിൽപ്പെട്ട ബാക്ട‌ീരിയകൾ മൂലമുണ്ടാകുന്ന ഒരു പകർച്ചവ്യാധിയാണിത്.