വെടിനിർത്തൽ കരാർ ലംഘിക്കപ്പെടു

06/06/2026

വാഷിംഗ്‌ടൺ : അമേരിക്കയും ഇറാനും തമ്മിലുള്ള താൽക്കാലിക വെടിനിർത്തൽ കരാർ പൂർണമായും ലംഘിക്കപ്പെടുന്ന തരത്തിൽ ഗൾഫ് മേഖലയിൽ ഇരുരാജ്യങ്ങളും തമ്മിലുള്ള സൈനിക ഏറ്റുമുട്ടൽ വീണ്ടും ശക്തമാകുന്നു. ഹോർമുസ് കടലിടുക്കിന് നേരെ ഇറാൻ പ്രയോഗിച്ച നാല് ഡ്രോണുകൾ അമേരിക്കൻ സൈന്യം വെടിവെച്ചിട്ടതോടെയാണ് പുതിയ സംഘർഷങ്ങൾക്ക് തുടക്കമായത്. മേഖലയിലെ കപ്പൽ ഗതാഗതത്തിന് ഇവ ഭീഷണിയാണെന്ന് ചൂണ്ടിക്കാട്ടിയായിരുന്നു യുഎസ് സെൻട്രൽ കമാൻഡിന്റെ നടപടി. ഇതിന് പിന്നാലെ ഇറാൻ്റെ തെക്കൻ തീരങ്ങളിലെ യുദ്ധക്കപ്പൽ നിരീക്ഷണ റഡാർ കേന്ദ്രങ്ങൾക്ക് നേരെ അമേരിക്ക ശക്തമായ ആക്രമണവും നടത്തി. അമേരിക്കൻ ആക്രമണത്തിന് തിരിച്ചടിയായി കുവൈത്തിലെ രണ്ട് യുഎസ് വ്യോമസേന താവളങ്ങൾക്കും ബഹ്റൈനിലെ യുഎസ് നാവികസേന കേന്ദ്രങ്ങൾക്കും നേരെ ഇറാൻ ബാലിസ്റ്റിക് മിസൈലുകൾ പ്രയോഗിച്ചതായി ഇറാന്റെ ഇർനാ വാർത്താ ഏജൻസി റിപ്പോർട്ട് ചെയ്‌തു. ഇറാൻ്റെ ഏഴ് മിസൈലുകളിൽ ആറെണ്ണവും തങ്ങൾ പ്രതിരോധിച്ചതായും ഒരെണ്ണം ലക്ഷ്യം കാണാതെ പതിച്ചതായും യുഎസ് സൈന്യം വ്യക്തമാക്കി.