LTTE മേധാവി പ്രഭാകരനെ അനുസ്മരിച്ച് വിജയ്; ലങ്കന്‍ തമിഴര്‍ക്ക് ഐക്യദാര്‍ഢ്യം

ചെന്നൈ: ശ്രീലങ്കയിലെ മുള്ളിവയ്ക്കല്‍ കൂട്ടക്കൊലയെ അനുസ്മരിച്ച് തമിഴ്‌നാട് മുഖ്യമന്ത്രി വിജയ്. എല്‍ടിടിഇ സ്ഥാപകന്‍ വേലുപിള്ളൈ പ്രഭാകരനെ 2009 മെയ് 18നാണ് ശ്രീലങ്കന്‍ സേന വധിച്ചത്. ശ്രീലങ്കന്‍ തമിഴര്‍ക്ക് ഐക്യദാര്‍ഢ്യവും അദ്ദേഹം പ്രഖ്യാപിച്ചു. മുള്ളിവയ്ക്കലിലെ ഓര്‍മകള്‍ എന്നും ഞങ്ങളുടെ ഹൃദയത്തിലുണ്ട്. കടലിനക്കരെ ജീവിക്കുന്ന തമിഴ്മക്കളുടെ അവകാശത്തിനായി ഐക്യദാര്‍ഢ്യം പ്രഖ്യാപിച്ച് ഒപ്പമുണ്ടെന്നും എക്‌സില്‍ പങ്കുവച്ച കുറിപ്പില്‍ വിജയ് വ്യക്തമാക്കി. മെയ് 18 ആഗോള ശ്രീലങ്കന്‍ തമിഴ് ജനതയും ഇന്ത്യയിലെ ഒരു വിഭാഗം തമിഴരും മുള്ളിവെയ്ക്കല്‍ ഓര്‍മദിനമായി ആചരിക്കാറുണ്ട്.