ലിഫ്റ്റില്‍ കുടുങ്ങിയത് ഒന്നര മണിക്കൂറോളം; പൂനെയില്‍ 7 വയസുകാരന് ദാരുണാന്ത്യം

പൂനെ: പൂനെയിലെ ഷിന്‍ഹാഗാദ് റോഡ് ഏരിയയിലെ റെസിഡന്‍ഷ്യല്‍ കെട്ടിടത്തില്‍ ലിഫ്റ്റില്‍ കുടുങ്ങി ഏഴു വയസുകാരന് ദാരുണാന്ത്യം. നിമ്പാജിനഗറിലെ റിദ്ദി സിദ്ദി അപ്പാര്‍ട്ട്‌മെന്റിലാണ് സംഭവം. ശിവാന്‍ഷ് ശൈലേഷ് ദത്ത് എന്ന കുട്ടിയാണ് മരിച്ചത്. കഴിഞ്ഞദിവസം രാത്രി പത്തു മണിയോടെ എന്നത്തെയും പോലെ ഹൗസിങ് സൊസൈറ്റിയുടെ പരിസരത്ത് നിന്ന് കളിക്കുകയായിരുന്നു കുട്ടി. ഇതിനിടയില്‍ ബില്‍ഡിങ്ങിലെ ലിഫ്റ്റില്‍ കയറിയ കുട്ടി ബട്ടനുകളിലൊന്നില്‍ അമര്‍ത്തി. പിന്നാലെ ലിഫ്റ്റ് ചലിച്ച് തുടങ്ങിയെങ്കിലും മൂന്നാം നിലയിലെത്തുന്നതിനിടയില്‍ നിന്നുപോയി. ഒന്നര മണിക്കൂറോളമാണ് കുട്ടി ലിഫ്റ്റില്‍ കുടുങ്ങി കിടന്നത്.