'NO BEEF WITH ANYONE; That's our recipe for happiness'; കേരള സ്റ്റോറി 2നെ ട്രോളി ടൂറിസം വകുപ്പിന്‍റെ പോസ്റ്റർ

തിരുവനന്തപുരം: കേരളത്തിൽ ബീഫ് വിവാദം ആളിക്കത്തുമ്പോള്‍ സോഷ്യൽ മീഡിയയിൽ ശ്രദ്ധേയമാവുകയാണ് ടൂറിസം വകുപ്പിന്‍റെ പുതിയ പോസ്റ്റർ. ആരോടും വെറുപ്പോ വിദ്വേഷമോ ഇല്ല, അതാണ് ഞങ്ങളുടെ സന്തോഷത്തിന്റെ രുചിക്കൂട്ട് എന്ന് അര്‍ത്ഥം വരുന്ന 'നോ ബീഫ് വിത്ത് എനിവണ്‍; ദാറ്റ്‌സ് അവര്‍ റെസിപ്പി ഫോർ ഹാപ്പിനസ്' എന്നെഴുതിയ പോസ്റ്ററാണ് ടൂറിസം വകുപ്പ് ഫേസ്ബുക്കിൽ പങ്കുവച്ചിരിക്കുന്നത്. 'കേരള സ്റ്റോറി 2' എന്ന ചിത്രത്തിന്റെ ട്രെയിലര്‍ പുറത്തുവന്നതിന് പിന്നാലെ കേരളത്തില്‍ ബീഫിനെക്കുറിച്ചുള്ള ചര്‍ച്ചകളും ട്രോളുകളും സജീവമാവുകയാണ്. ഈ സാഹചര്യത്തിലാണ് ഇപ്പോള്‍ സംസ്ഥാന ടൂറിസം വകുപ്പും സിനിമയെ ട്രോളി രംഗത്തെത്തിയിരിക്കുന്നത്.