ആരോഗ്യവാന്മാരായി കാണപ്പെടുന്നവരിലും ഹൃദയാഘാതം ഉണ്ടാകുന്നതിന് പിന്നിലെ മറഞ്ഞിരിക്കുന്ന കാരണം

പതിവായി ജിമ്മില്‍ പോവുകയും ആരോഗ്യകരമായ ഭക്ഷണരീതി പിന്തുടരുകയും ഒക്കെ ചെയ്യുന്ന പലരും എന്തുകൊണ്ടാണ് പെട്ടെന്നുണ്ടാകുന്ന ഹൃദയാഘാതം മൂലം മരിക്കുന്നത്. അതിന് പിന്നിലെ മറഞ്ഞിരിക്കുന്ന ഒരു കാരണം എന്താണെന്ന് ചിന്തിച്ചിട്ടുണ്ടോ? ഉയര്‍ന്ന രക്തസമ്മര്‍ദ്ദം അഥവാ ഹൈ ബ്ലഡ് പ്രഷറിനെ 'നിശബ്ദ കൊലയാളി' എന്ന് വിളിക്കാം. ആരോഗ്യമുള്ള പലരും ഹൃദയാഘാതം മൂലം മരിക്കുന്ന കേസുകളില്‍ പലതിലും ഉയര്‍ന്ന രക്തസമ്മര്‍ദ്ദമാണ് വില്ലന്‍. മുന്നറിയിപ്പ് അടയാളങ്ങളില്ലാതെ, എന്നാല്‍ ശരീരത്തിനുള്ളിലെ രക്തസമ്മര്‍ദ്ദം പതുക്കെ രക്തക്കുഴലുകളില്‍ കേടുപാടുകള്‍ വരുത്തുകയും ഹൃദയത്തെ ബുദ്ധിമുട്ടിക്കുകയും പക്ഷാഘാതം, വൃക്കരോഗം, പെട്ടെന്നുള്ള ഹൃദയാഘാതം എന്നിവയ്ക്കുള്ള സാധ്യത വര്‍ധിപ്പിക്കുകയും ചെയ്യുന്നു. ലോകാരോഗ്യ സംഘടനയുടെ റിപ്പോര്‍ട്ട് അനുസരിച്ച് ലോകമെമ്പാടുമുള്ള പ്രായമായവരില്‍ ഏകദേശം 1.4 ബില്യണ്‍ ആളുകള്‍ രക്താതിമര്‍ദവുമായി ജീവിക്കുന്നുണ്ട്.