ബാഗിന് 2.45 ലക്ഷം; 6 മാസത്തില്‍ ഒരു സ്വർണാഭരണം: 30000 രൂപയുടെ ഡ്രസ്സിന് 29000 നികുതി: ജീവിത ചെലവ് പറഞ്ഞ് നടി

ഹിന്ദി സീരിയൽ പ്രേക്ഷകർക്ക് 'അനുപമ' എന്ന സീരിയലിലെകിഞ്ചൽ എന്ന കഥാപാത്രത്തിലൂടെ സുപരിചിതയാണ് നടിയാണ് നിധി ഷാ. ഏതാനും ചില ചിത്രങ്ങളിലും താരം വേഷമിട്ടുണ്ട്. അഭിനയത്തില്‍ നിന്നും തനിക്ക് ലഭിക്കുന്ന വരുമാനം എങ്ങനെ ചെലവഴിക്കുന്നു, സമ്പാദ്യ ശീലങ്ങള്‍ എന്തൊക്കെ എന്നതിനെക്കുറിച്ചെല്ലാം തുറന്ന് പറഞ്ഞിരിക്കുകയാണ് താരം ഇപ്പോള്‍. സീരിയലില്‍ മാത്രമല്ല യഥാർത്ഥ ജീവിതത്തിലും നിധി ഷാ ഒരു 'ലക്ഷ്വറി ക്വീൻ' ആണെന്ന് തെളിയിക്കുന്നതാണ് പുതിയ വെളിപ്പെടുത്തലുകൾ. കോടികൾ വിലമതിക്കുന്ന തൻ്റെ ആഡംബര ശേഖരങ്ങളെക്കുറിച്ച് അടുത്തിടെ നല്‍കിയ ഒരു അഭിമുഖത്തിലാണ് താരം മനസ്സ് തുറക്കുന്നത്. ദുബായിൽ നിന്ന് 2.45 ലക്ഷം രൂപയ്ക്ക് വാങ്ങിയ പ്രാഡ ബാഗാണ് നിധിയുടെ ശേഖരത്തിലെ ഏറ്റവും പ്രധാനപ്പെട്ട ലക്ഷ്വറി ഐറ്റം. പാരീസിൽ നിന്ന് വാങ്ങിയ ലൂയി വിറ്റൺ ഉൾപ്പെടെയുള്ള ബ്രാൻഡഡ് ബാഗുകൾ സൂക്ഷിക്കാൻ പ്രത്യേക വാർഡ്രോബ് തന്നെ താരം ഒരുക്കിയിട്ടുണ്ട്.