ചര്‍മ്മത്തിലുണ്ടാകുന്ന ചില പാടുകള്‍ പ്രമേഹത്തിന്റെ ലക്ഷണമാകാം; ഇവ എങ്ങനെ തിരിച്ചറിയാം

പ്രമേഹം ഉണ്ടാകുന്നതിന് മുന്‍പ് ശരീരം പല തരത്തിലുള്ള പ്രാരംഭ ലക്ഷണങ്ങളും കാണിക്കാറുണ്ട്. അതിലൊന്നാണ് ചര്‍മ്മത്തിലുണ്ടാകുന്ന വ്യത്യാസങ്ങള്‍. പ്രമേഹരോഗികളുടെ ശരീരത്തിലെ ചുണങ്ങുകളും പാടുകളും എങ്ങനെയാണ് തിരിച്ചറിയാന്‍ കഴിയുന്നത്? ചില ലക്ഷണങ്ങളൊക്കെ തിരച്ചറിയുന്നത് രോഗം തടയാനും രോഗത്തിന്റെ കാഠിന്യം കുറയ്ക്കാനും സഹായിക്കും. രക്തത്തിലെ പഞ്ചസാരയുടെ അളവും ചര്‍മ്മത്തിന്റെ ആരോഗ്യവും തമ്മില്‍ നേരിട്ട് ബന്ധമുണ്ടെന്ന് ആരോഗ്യ വിദഗ്ധര്‍ പറയുന്നു. രക്തത്തിലെ പഞ്ചസാരയുടെ ഉയര്‍ന്ന അളവ് ചര്‍മ്മത്തിന്റെ വരള്‍ച്ചയ്ക്ക് കാരണമാകുകയും രക്തയോട്ടം കുറയ്ക്കുകയും അണുബാധകളെ ചെറുക്കാനുള്ള ശരീരത്തിന്റെ കഴിവിനെ ദുര്‍ബലപ്പെടുത്തുകയും ചെയ്യും. ഇത് ചര്‍മ്മത്തില്‍ തിണര്‍പ്പുണ്ടാകാന്‍ സാധ്യതയുണ്ടാക്കുന്നു.