തണ്ണിമത്തനിലും വ്യാജനുണ്ട്; എങ്ങനെ തിരിച്ചറിയാമെന്നല്ലേ?; വഴിയുണ്ട്‌

ചൂട് അനുദിനം കൂടിവരികയാണ്. അതിനനുസരിച്ച് ശരീരത്തിലെ ജലാംശം കുറയുകയും ചെയ്യും. ശരീരത്തില്‍ ജലാംശം നിലനിര്‍ത്താന്‍ ഏറെ സഹായിക്കുന്ന ഒന്നാണ് തണ്ണിമത്തന്‍. അതിനാല്‍ ചൂടുകാലമായാല്‍ മിക്കവരും തണ്ണിമത്തന്‍ കഴിക്കാന്‍ ഉത്സാഹം കാണിക്കാറുണ്ട്. എന്നാല്‍ കടയില്‍നിന്ന് വാങ്ങുന്ന തണ്ണിമത്തന്‍ പ്രകൃതിദത്തമോ വ്യാജമോ എന്ന് എങ്ങനെ തിരിച്ചറിയാം? തണ്ണിമത്തനിലും വ്യാജനുണ്ടോ എന്നല്ലേ, അതിശയിക്കേണ്ട. ഏതൊരു വസ്തുവിനും ഡിമാന്‍ഡ് കൂടുന്നതിന് അനുസരിച്ച് അതിന്റെ വ്യാജനും വിപണിയില്‍ എത്താറുണ്ട്.സാധാരണയായി തണ്ണിമത്തന്റെ നിറവും വലിപ്പവും മറ്റും നോക്കിയാണ് ഉപഭോക്താക്കള്‍ ഇവ ഫ്രഷ് ആണോ അല്ലയോ എന്ന് തീരുമാനിക്കുന്നതും വാങ്ങിക്കുന്നതും. എന്നാല്‍ ഒറിജിനലിനെ വെല്ലുന്ന രീതിയിലാണ് വ്യാജനും ഉത്പാദിപ്പിക്കുന്നത്. തണ്ണിമത്തന് നല്ല നിറവും മധുരവും ലഭിക്കാന്‍ ചില രാസവസ്തുക്കള്‍ കുത്തിവയ്ക്കാറുണ്ട്. തണ്ണിമത്തന്‍ പ്രകൃതിദത്തമാണോ അല്ലയോ എന്ന് തിരിച്ചറിയാന്‍ ചില വഴികള്‍ ഉണ്ട്.