'ഒരു വയസുള്ള നമ്മുടെ പ്രണയം'; ശ്രീദേവിക്കും ജാന്‍വിക്കും ഒപ്പമുള്ള പഴയ ചിത്രം പങ്കുവച്ച് ബോണി കപൂര്‍

ബോളിവുഡിന്റെ താര സുന്ദരിയായിരുന്നു അന്തരിച്ച നടി ശ്രീദേവി. 2018 ഫെബ്രുവരിയില്‍ ദുബായിലെ ഒരു ഹോട്ടലില്‍ വച്ചുണ്ടായ ശ്രീദേവിയുടെ ആകസ്മിക മരണം സിനിമാമേഖലയെയും ആരാധകരെയും ഒരു പോലെ നടുക്കിയിരുന്നു. ഇപ്പോഴിതാ ശ്രീദേവിയുടെ ഭര്‍ത്താവായ ബോണി കപൂര്‍ പങ്കുവച്ച ചിത്രമാണ് സോഷ്യല്‍ മീഡിയയില്‍ വൈറലാകുന്നത്. ശ്രീദേവിയും മുത്തമകള്‍ ജാന്‍വിയും ബോണി കപൂറും ഒരുമിച്ചുള്ള ഒരു ചിത്രമാണ് ബോണി കപൂര്‍ തന്റെ ഇന്‍സ്റ്റഗ്രാം പേജില്‍ ഷെയര്‍ ചെയ്തിരിക്കുന്നത്. ജാന്‍വി കപൂറിന് ഒരു വയസു പ്രായമുള്ളപ്പോഴുള്ള ചിത്രമാണിത്. 'വെറും ഒരു വയസ്സുള്ള നമ്മുടെ പ്രണയം, ജാനുവിനെ എന്റെ പ്രണയം പിടിച്ചുനിര്‍ത്തുന്നു'- എന്നാണ് ബോണി കപൂര്‍ കുറിച്ചത്.