ഡിവോഴ്സിന് കാരണം എന്താണെന്ന് വീട്ടുകാർക്ക് ഇന്നുമറിയില്ല, ഒന്നിപ്പിക്കാൻ അവർ ശ്രമിച്ചിരുന്നു: ഗൗതമി നായര്‍

സെക്കന്റ് ഷോ എന്ന സിനിമയിലൂടെ മോളിവുഡിൽ തുടക്കം കുറിച്ച നടിയാണ് ​ഗൗതമി നായർ. ഡയമണ്ട് നെക്ലേസ് എന്ന സിനിമയിൽ ശ്രദ്ധേയ വേഷവും ​ഗൗതമി ചെയ്തു. എന്നാൽ പിന്നീട് കരിയറിൽ വലിയ ​ഗ്യാപ്പ് വന്നു. ഇതിനിടയിൽ നടിയുടെ വിവാഹ മോചനവും നടന്നിരുന്നു. ഫിലിം മേക്കർ ശ്രീനാഥ് രാജേന്ദ്രനെയാണ് ​ഗൗതമി വിവാ​ഹം ചെയ്തത്. 2017 ൽ വിവാഹം ചെയ്ത ഇരുവരും പിന്നീട് പിരിഞ്ഞു. ഇപ്പോഴിതാ തങ്ങളുടെ വേർപിരിയലിനെക്കുറിച്ച് സംസാരിക്കുകയാണ് ഗൗതമി. തങ്ങൾക്കിടയിൽ എന്താണ് പ്രശനം ഉണ്ടായിരുന്നതെന്ന് വീട്ടുകാർക്ക് പോലും അറിയില്ലായിരുന്നുവെന്ന് ഗൗതമി പറഞ്ഞു. ഒറിജിനൽസിന് നൽകിയ അഭിമുഖത്തിലാണ് പ്രതികരണം.