'എല്ലാം ശരിയാകുമെടാ...എപ്പോഴും നിന്റെ കൂടെയുണ്ടാകും'; ആർജെ ബാലാജിയെ ആശ്വസിപ്പിച്ച് ദുൽഖർ

പ്രേക്ഷകർ ഏറെ പ്രതീക്ഷയോടെ കാത്തിരുന്ന സൂര്യ ചിത്രമായ കറുപ്പിന്റെ തിയേറ്റർ റിലീസിന്റെ പ്രതിസന്ധി തുടരുകയാണ്. ഇന്ന് (മെയ് 14) ചിത്രം തിയേറ്ററുകളിലെത്തുമെന്നായിരുന്നു അണിയറ പ്രവർത്തകർ അറിയിച്ചിരുന്നത്. എന്നാൽ രാവിലെ അപ്രതീക്ഷിതമായി പ്രദർശനം നിർത്തിവെക്കുകയായിരുന്നു. നേരത്തെ ബുക്ക് ചെയ്ത ആളുകളെല്ലാം തിയേറ്ററുകളിലെത്തിയ ശേഷമാണ് റിലീസ് ഇത്തരത്തിൽ നിർത്തിവെക്കപ്പെട്ടത്. സംഭവത്തിന് പിന്നാലെ പ്രതികരണവുമായി സംവിധായകൻ ആർ ജെ ബാലാജി സമൂഹമാധ്യമങ്ങളിൽ എത്തിയിരുന്നു. ആരാധകരോടെ മാപ്പ് പറഞ്ഞുകൊണ്ട് സംസാരിച്ച ബാലാജി ഇടയ്ക്ക് വിതുമ്പിപ്പോയിരുന്നു. വൈകാതെ തന്നെ പ്രശ്‌നങ്ങൾ പരിഹരിക്കുമെന്ന പ്രതീക്ഷയും അദ്ദേഹം പങ്കുവെച്ചിരുന്നു.