അങ്ങനെയൊരു ഫേസ്ബുക്ക് പോസ്റ്റ് ഉള്ള കാര്യം അറിയില്ലെന്നാണ് കെ സുധാകരന്‍ പറഞ്ഞത്: വി ഡി സതീശന്‍

തിരുവനന്തപുരം: കെ സുധാകരന്‍ പാര്‍ട്ടിയോട് കൂറുള്ള നേതാവാണെന്ന് പ്രതിപക്ഷ നേതാവ് വി ഡി സതീശന്‍. സീറ്റ് വിവാദങ്ങള്‍ക്കിടെ വൈകാരിക പോസ്റ്റ് പ്രത്യക്ഷപ്പെട്ട ഫേസ്ബുക്കിനെ കുറിച്ച് കെ സുധാകരന് അറിയില്ലെന്നും ഇതുസംബന്ധിച്ച് അന്വേഷിക്കാമെന്നാണ് സുധാകരന്‍ പറഞ്ഞതെന്നും വി ഡി സതീശന്‍ പറഞ്ഞു. 'ഞങ്ങള്‍ അദ്ദേഹത്തോട് സംസാരിച്ചിരുന്നു. അങ്ങനെയൊരു ഫേസ്ബുക്ക് ഉള്ള കാര്യം അദ്ദേഹത്തിന് അറിയില്ല. അന്വേഷിക്കാമെന്നാണ് അദ്ദേഹം പറഞ്ഞത്. പാര്‍ട്ടിയോട് കൂറും നിലപാടും ഉള്ള നേതാവാണ് സുധാകരന്‍. അക്കാര്യം വ്യക്തമാക്കിയിട്ടുണ്ട്. ഇന്നലെ ജി സുധാകരന്‍ ഉണ്ടാക്കിയ പ്രശ്‌നത്തില്‍ സിപിഐഎം പ്രതിരോധത്തില്‍ നില്‍ക്കുമ്പോള്‍ സമാന്തരമായി വേറൊരു സുധാകരന്റെ വിഷയം ഉണ്ടാക്കുകയാണ് സിപിഐഎം', വി ഡി സതീശന്‍ പറഞ്ഞു.