ആരാധകരെ കുടുംബമായി കാണുന്ന താരം: സഹോദരന്റെ വിവാഹാഘോഷത്തിലേക്ക് ഫാന്‍സിനെയും ക്ഷണിച്ച് അല്ലു അര്‍ജുന്‍

തന്റെ ആരാധകരെ വെറും ആരാധകരായല്ല, മറിച്ച് തന്റെ 'ആര്‍മി' എന്ന് വിളിക്കുന്ന താരമാണ് ഐക്കണ്‍ സ്റ്റാര്‍ അല്ലു അര്‍ജുന്‍. ദേശീയ അവാര്‍ഡ് നേട്ടം മുതല്‍ ഫിലിം ഫെയര്‍ അവാര്‍ഡുകള്‍ വരെ തന്റെ എല്ലാ വിജയങ്ങളും തന്റെ ആരാധകര്‍ക്ക് സമര്‍പ്പിക്കുന്ന താരം, വീണ്ടും അവരുടെ ഹൃദയം കീഴടക്കിയിരിക്കുകയാണ്. സഹോദരന്‍ അല്ലു സിരീഷിന്റെ വിവാഹ റിസപ്ഷനിലേക്ക് ആരാധകരെ നേരിട്ട് ക്ഷണിച്ച് കൊണ്ടാണ് താരം മാതൃകയായിരിക്കുന്നത്. അല്ലു സിരീഷും നയനിക റെഡ്ഡിയും തമ്മിലുള്ള വിവാഹത്തിന് മുന്നോടിയായുള്ള റിസപ്ഷന്‍ അല്ലു സ്റ്റുഡിയോയിലാണ് നടന്നത്. അടുത്ത ബന്ധുക്കളും സുഹൃത്തുക്കളും മാത്രം പങ്കെടുത്ത ലളിതവും എന്നാല്‍ മനോഹരവുമായ ചടങ്ങായിരുന്നു ഇത്. എന്നാല്‍ ഈ സ്വകാര്യ ചടങ്ങിലും തന്റെ ആരാധകര്‍ക്ക് ഇടം നല്‍കാന്‍ അല്ലു അര്‍ജുന്‍ മറന്നില്ല.