ഭക്തിനിർവൃതിയിൽ ലക്ഷങ്ങൾ; പൊങ്കാല അടുപ്പുകളിൽ തീ പകര്‍ന്നു, യാഗശാലയായി നഗരം

9.45ന് അടുപ്പുവെട്ട് ചടങ്ങ് ; ഉച്ചപൂജയ്ക്കു ശേഷം 2.15ന് പൊങ്കാല നിവേ

തിരുവനന്തപുരം ആറ്റുകാൽ പൊങ്കാലയുടെ ചടങ്ങുകൾ അവസാനഘട്ടത്തിലേക്ക്. ചലച്ചിത്ര, ടെലിവിഷൻ താരങ്ങളും വിവിധ മേഖലകളിലെ പ്രമുഖരുമടക്കം ഇത്തവണയും പൊങ്കാലയിടാൻ എത്തിയിട്ടുണ്ട്. കേരളത്തിൻ്റെ ചുമതലയുള്ള എഐസിസി ജനറൽ സെക്രട്ടറി ദീപ ദാസ് മുൻഷി പൊങ്കാലയിട്ടു. പൊങ്കാലയിടാനെത്തിയതിനു തിരഞ്ഞെടുപ്പുമായി ബന്ധമില്ലെന്നും സ്ത്രീകളുടെ ഉന്നമനത്തിനും ലോകസമാധാനത്തിനുമായാണ് പൊങ്കാലയിടുന്നതെന്നും അവർ പറഞ്ഞു. കെപിസിസി ജനറൽ സെക്രട്ടറി മണക്കാട് സുരേഷിൻ്റെ വീടിനു മുന്നിലാണ് ദീപദാസ് മുൻഷി പൊങ്കാലയിട്ടത്. കോൺഗ്രസ് നേതാവ് ദീപ്‌തി മേരി വർഗീസും ഒപ്പമുണ്ടായിരുന്നു. ഇന്നു രാവിലെ 9.15 ന് ആറ്റുകാൽ ഭഗവതിക്ഷേത്രത്തിൽ ശുദ്ധപുണ്യാഹത്തോടെയാണു ചടങ്ങുകൾ ആരംഭിച്ചത്. 9.45ന് പൊങ്കാല അടുപ്പുവെട്ട് ചടങ്ങു നടന്നു.