പ്രവാസ ജീവിതം മതിയാക്കിയ മാത്യു ബേബിക്ക് യുപിപിയുടെ ഉജ്ജ്വല യാത്രയയപ്പ്

പ്രവാസ ജീവിതം മതിയാക്കി നാട്ടിലേക്ക് യാത്ര തിരിക്കുന്ന യുണൈറ്റഡ് പാരന്‍റ് പാനലിന്‍റെ സ്ഥാപക നേതാക്കളിലൊരാളും ഇന്ത്യന്‍ സ്കൂള്‍ മെഗാഫെയര്‍ ചരിത്രത്തിലെ തന്നെ വന്‍ വിജയമായി തീര്‍ന്ന മുന്‍ മെഗാ ഫെയര്‍ കണ്‍വീനറുമായിരുന്ന മാത്യു ബേബി, ഭാര്യയും ഇന്ത്യന്‍ സ്കൂള്‍ മുതിര്‍ന്ന ടീച്ചറും കൂടിയായ എലിസബത്ത് ടീച്ചര്‍ക്കും യുപിപി അത്യുജ്ജ്വല യാത്രയയപ്പ് നല്‍കി. യുപിപിയുടെ ഭരണകാലത്തെ ഇന്ത്യന്‍ സ്കൂള്‍ വികസനങ്ങളിലെ പല നേട്ടങ്ങളുടേയും ആസൂത്രകരില്‍ ഒരാളായ ബേബി മാത്യുടെ പല നിര്‍ദ്ദേശങ്ങളും അഭിപ്രായങ്ങളും സാധാരണക്കാരായ ഇന്‍ഡ്യന്‍ സ്കൂള്‍ രക്ഷിതാക്കള്‍ക്ക് ഇന്നും കരുതലും താങ്ങുമാവുന്ന തീരുമാനങ്ങളായി മാറിയവയാണെന്ന് മനാമ ഓറ ആര്‍ട്സില്‍ സംഘടിപ്പിച്ച യോഗത്തില്‍ സംസാരിച്ച യുപിപി നേതാക്കള്‍ ഒരേ സ്വരത്തില്‍ പറഞ്ഞു.