വിമാനം റദ്ദാക്കല്‍: ഇന്‍ഡിഗോ നഷ്ടപരിഹാരം തന്നില്ലേ? റീഫണ്ടിന് ഇങ്ങനെ അപേക്ഷിക്കാം

കഴിഞ്ഞ ഡിസംബറില്‍ നൂറുകണക്കിന് സര്‍വീസുകള്‍ റദ്ദാക്കിയ ഇന്‍ഡിഗോ, റീഫണ്ടിനായുള്ള പുതിയ നിര്‍ദേശങ്ങള്‍ പുറത്തിറക്കി. 2025 ഡിസംബര്‍ 3നും 5നും ഇടയിലുള്ള റദ്ദാക്കലുകള്‍ക്കുള്ള എല്ലാ റീഫണ്ടുകളും പ്രോസസ്സ് ചെയ്തതായി കമ്പനി അറിയിച്ചു. യാത്രാ ദുരിതം നേരിട്ടവര്‍ക്ക് 10,000 രൂപക്കുള്ള യാത്രാ വൗച്ചര്‍ ('ജെസ്ചര്‍ ഓഫ് കെയര്‍' വൗച്ചര്‍) കമ്പനി വാഗ്ദാനം ചെയ്തിരുന്നു. 12 മാസത്തെ വാലിഡിറ്റിയാണ് വൗച്ചറിനുള്ളത്. എന്നാല്‍ ഇന്‍ഡിഗോ വൗച്ചര്‍ തരാന്‍ മടിക്കുന്നുവെന്ന് പല യാത്രക്കാരും പരാതിപ്പെടുന്നുണ്ട്. 'നിങ്ങള്‍ക്ക് നഷ്ടപരിഹാരത്തിന് അര്‍ഹതയില്ല' എന്ന ഇമെയിലുകള്‍ പല യാത്രക്കാര്‍ക്കും ലഭിച്ചു.