പാകിസ്താനുള്ള യൂനുസിന്റെ 'മാപ് ഗിഫ്റ്റ്' നിഷ്കളങ്കമായ ഒരു നയതന്ത്ര സമ്മാനമോ; ഇന്ത്യക്കുള്ള വെല്ലുവിളിയോ?

വീണ്ടും ആ ചോദ്യം ഉയര്‍ന്നിരിക്കുകയാണ്, ബംഗ്ലാദേശ് മുഖ്യഉപദേഷ്ടാവ് മുഹമ്മദ് യൂനുസ് ഇതെന്തിനുള്ള പുറപ്പാടാണ്? അസം ഉള്‍പ്പെടെയുള്ള ഇന്ത്യയുടെ വടക്കുകിഴക്കന്‍ സംസ്ഥാനങ്ങള്‍ ബംഗ്ലാദേശിന്റെ ഭാഗമായി അടയാളപ്പെടുത്തിയിരിക്കുന്ന ഭൂപടത്തിന്റെ കവര്‍ ചിത്രമുള്ള 'ആര്‍ട്ട് ഓഫ് ട്രൈംഫ്' യൂനുസ് കൈമാറിയത് പാകിസ്താന്‍ ജോയിന്റ് ചീഫ്‌സ് ഓഫ് സ്റ്റാഫ് കമ്മിറ്റി ചെയര്‍മാന്‍ ജനറല്‍ സാഹിര്‍ ഷംഷാദ് മിര്‍സയ്ക്കാണ്, പാകിസ്താനിലെ ഉന്നത സൈനിക ജനറലിന്! തീവ്ര ഇസ്ലാമിസ്റ്റ് ഗ്രൂപ്പിന്റെ ഗ്രേറ്റര്‍ ബംഗ്ലാദേശ് എന്ന വാദങ്ങളെ ശരിവയ്ക്കുന്ന ഭൂപടമാണത്. സ്വാഭാവികമായും അത്ര നിഷ്‌കളങ്കമായ ഒരു നയതന്ത്ര സമ്മാനമായി ഇന്ത്യക്ക് അതിനെ കണക്കാക്കാനാകില്ല.