വൈകിയത് 28 മണിക്കൂർ; ദുബായിൽനിന്ന് ഇന്നലെ പുറപ്പെടേണ്ടിയിരുന്ന വിമാനം അൽപസമയത്തിനകം യാത്ര തിരിക്കും

editor

ദുബായ്: ദുബായിൽനിന്ന് ബുധനാഴ്ച രാവിലെ 6.05-ന് പുറപ്പെടേണ്ടിയിരുന്ന വിമാനം 28 മണിക്കൂർ ഉണ്ടായ അനശ്ചിതത്വത്തിനൊടുവിൽ അൽപ സമയത്തിനകം യാത്ര തിരിക്കും. ദുബായ് സമയം രാവിലെ 10.30ന് വിമാനം പുറപ്പെടുമെന്നാണ് അധികൃതർ നൽകുന്ന വിവരം. തിരുവനന്തപുരത്തേയ്ക്കുള്ള എയർഇന്ത്യ എക്സ്പ്രസ് യാത്രക്കാരാണ് 28 മണിക്കൂർ വിമാനം വൈകിയതിനെത്തുടർന്ന് ദുരിതത്തിലായത് എയർഇന്ത്യ എക്സ്പ്രസ് വിമാനം മുന്നറിയിപ്പില്ലാതെ റദ്ദാക്കിയതിനാൽ 150 പേരുടെ യാത്രക്കാരാണ് ഇന്നലെമുതൽ വിമാനത്താവളത്തിൽ കുടുങ്ങിയത്. ഇവരെ ഐഎക്സ് 535 വിമാനത്തിൽ തിരുവനന്തപുരത്ത് എത്തിക്കുമെന്നാണ് വിവരം. യാത്രകാർക്ക് ബോർഡിങ് പാസ് നൽകി തുടങ്ങിയിട്ടുണ്ട്.