തിരഞ്ഞെടുപ്പിലെ പ്രവർത്തനത്തിൽ പോരായ്മയുണ്ടായെന്ന് വിലയിരുത്തൽ; തിരുവനന്തപുരത്ത് സിപിഎമ്മില്‍ തര്‍ക്കം

13/12/2025

EDITOR

തിരുവനന്തപുരം: തദ്ദേശ തിരഞ്ഞെടുപ്പിലെ പ്രവർത്തനത്തിൽ പോരായ്മയുണ്ടായെന്ന പാർട്ടി വിലയിരുത്തലിൽ സിപിഎം തിരുവനന്തപുരം ജില്ലാകമ്മിറ്റിയിൽ രൂക്ഷമായ വാക്കേറ്റം. ജില്ലാ സെക്രട്ടറി വി.ജോയ് അവതരിപ്പിച്ച റിപ്പോർട്ടിൽ ജില്ലാകമ്മിറ്റി അംഗം കരമന ഹരിക്കെതിരേയുള്ള പരാമർശമാണ് വാക്കേറ്റത്തിനിടയാക്കിയത്. ജോയിക്കെതിരേ കടകംപള്ളി സുരേന്ദ്രനും വിമർശനം ഉന്നയിച്ചു. പാർട്ടി സംസ്ഥാന സെക്രട്ടറി എം.വി.ഗോവിന്ദന്റെയും സംസ്ഥാന സെക്രട്ടേറിയറ്റ് അംഗം പുത്തലത്ത് ദിനേശന്റെയും സാന്നിധ്യത്തിൽ നടന്ന യോഗത്തിലായിരുന്നു ഈ വിമർശനങ്ങളെല്ലാം. കോർപ്പറേഷനിലടക്കം പാർട്ടിക്ക് മുന്നേറ്റമുണ്ടാകുമെന്നും 45 സീറ്റ് ഉറപ്പാണെന്നുമാണ് സിപിഎമ്മിന്റെ കണക്ക്.