വീട്ടിൽ കയറുന്ന കള്ളന്മാർ കുടുങ്ങും! രണ്ട് എഐ ക്യാമറകൾ ഘടിപ്പിച്ച സൂപ്പർ സ്‍മാർട്ട് ഡോർ ലോക്കുമായി ഷവോമി

25/11/2025

EDITOR

ബെയ്‌ജിങ്: ഷവോമി പുതിയ സ്‍മാർട്ട് ഡോർ ലോക്ക് എം40 വിപണിയിൽ അവതരിപ്പിച്ചു. 4.94 ഇഞ്ച് ഡിസ്‌പ്ലേയോടെയാണ് സ്‍മാർട്ട് ഡോർ ലോക്ക് പുറത്തിറക്കിയിരിക്കുന്നത്. എഐയുടെ സഹായത്തോടെ പ്രവർത്തിക്കുന്ന ഡ്യുവൽ ക്യാമറകളാണ് ഈ ഡോർ ലോക്കിലുള്ളത്. ഉപയോക്താവിന് പുറം കാഴ്‌ച എളുപ്പത്തിൽ കാണാൻ കഴിയുന്ന ഒരു പീപ്പ് ക്യാമറയും ലോക്കിൽ നൽകിയിട്ടുണ്ട്. നിങ്ങളുടെ വീടിന്‍റെ വാതിൽ സുരക്ഷിതമാക്കുക മാത്രമല്ല, ലോക്ക് സിസ്റ്റത്തെ സൂപ്പർ സ്മാർട്ട് ആക്കുകയും ചെയ്യുന്ന നിരവധി സ്‌മാർട്ട് സവിശേഷതകൾ ഇതിലുണ്ട്. ഈ ലോക്ക് പനോരമിക് വ്യൂ, വീഡിയോ കോളിംഗ് എന്നിവ നൽകുന്നു. കൂടാതെ ഹൈപ്പർ ഒഎസ് പിന്തുണയ്ക്കുന്ന ലൈവ് അറിയിപ്പുകളും നിങ്ങൾക്ക് അയയ്ക്കുന്നു. ചൈനീസ് വിപണിയിൽ ഷവോമി സ്‌മാർട്ട് ഡോർ ലോക്ക് എം40-ന് 3,299 യുവാൻ (ഏകദേശം 41,500 രൂപ) ആണ് വില. ബ്രാൻഡിന്‍റെ ഔദ്യോഗിക വെബ്‌സൈറ്റിൽ നിന്നോ JD.com-ൽ നിന്നോ ഇത് വാങ്ങാം .