മുസ്‌ലിം ലീഗ് നീലഗിരി ജില്ലാ സമ്മേളനം തമിഴ്‌നാട് ചരിത്രത്തിലെ വലിയൊരു നാഴികക്കല്ലായി മാറി.

3/11/25

ഗൂഡല്ലൂര്‍: മുസ്‌ലിം ലീഗ് നീലഗിരി ജില്ലാ സമ്മേളനം തമിഴ്‌നാട് ചരിത്രത്തിലെ വലിയൊരു നാഴികക്കല്ലായി മാറി. ഗൂഡല്ലൂര്‍ ഗാന്ധി മൈതാനിയിലേക്ക് മുസ്‌ലിംലീഗ് പ്രവര്‍ത്തകര്‍ പ്രകടനമായി എത്തിയതോടെ സമ്മേളന നഗരി നിറഞ്ഞു കവിഞ്ഞു. ഊട്ടി, കുന്നൂര്, കോത്തഗിരി, പന്തല്ലൂര് തുടങ്ങിയ നീലഗിരിയുടെ വിവിദ ഭാഗങ്ങളില്‍ നിന്ന് മുസ്ലിംലീഗിന്റെ പ്രവര്‍ത്തകര്‍ ഗൂഡല്ലൂര്‍ നഗരിയിലേക്ക് ഒഴുകിയെത്തി. ജില്ലാ പ്രസിഡണ്ട് നെലാക്കോട്ട ബാപ്പുഹാജി അധ്യക്ഷത വഹിച്ച പൊതുസമ്മേളനം പാണക്കാട് സയ്യിദ് റഷീദ് അലി ശിഹാബ് തങ്ങള്‍ ഉദ്ഘാടനം ചെയ്തു. ദേശീയ വൈസ് പ്രസിഡണ്ട് കെ.പി.എ മജീദ് എം.എല്‍.എ, സംസ്ഥാന ജനറല്‍ സെക്രട്ടറി കെ.എ.ഐ അബൂബക്കര്‍, അഡ്വ. ഹാരിസ് ബീരാന്‍ എം.പി, പി.കെ ബഷീര്‍ എം.എല്‍. എ, കായല്‍ മഹബൂബ്, ടി.പി അഷ്‌റഫലി, പി.വി അഹമ്മദ് സാജു, അന്‍വര്‍ മുള്ളമ്പാറ പ്രസംഗിച്ചു. ഹനീഫ വട്ടക്കളരി സ്വാഗതവും ആലി ഉപ്പട്ടി നന്ദിയും പറഞ്ഞു.