ഇതുമതി! 14 ലക്ഷത്തിന്റെ വീട്; കടമില്ല, സന്തോഷം മാത്രം

31/10/25

അച്ഛനും അമ്മയും മകളും അടങ്ങുന്ന കുടുംബം. മകളുടെ വിവാഹം കഴിഞ്ഞു. പ്രായമായ അച്ഛനും അമ്മയ്ക്കും പരിപാലിക്കാൻ എളുപ്പമുള്ള, കടബാധ്യത വരുത്താത്ത വീട് എന്നതായിരുന്നു ആവശ്യം. രണ്ടുപേർക്ക് താമസിക്കാൻ പരമാവധി 2 BHK വീടിന്റെ ആവശ്യമേയുള്ളൂ. ഈ സൗകര്യങ്ങൾ 650 സ്ക്വയർഫീറ്റിൽ ഒരുക്കി. തൊട്ടടുത്ത് പുഴയാണ്. മഴക്കാലത്ത് പഴയ വീട്ടിൽ വെള്ളം കയറുമായിരുന്നു. അതിനാൽ പഴയവീട് പൊളിച്ച് വീടിരുന്ന സ്ഥലം നാലടിയോളം മണ്ണിട്ട് പൊക്കിയ ശേഷമാണ് ഈ വീട് നിർമിച്ചത്. വീതി കുറഞ്ഞ് പിന്നിലേക്ക് നീളത്തിലുള്ള പ്ലോട്ടിൽ ഫിറ്റ് ആകുംവിധം ഫ്ലാറ്റ് ബോക്സ് ആകൃതിയില്‍ സിമന്റ് ബ്ലോക്കു കൊണ്ടാണ് വീടിന്റെ നിർമാണം. വൈറ്റ്–ബീജ്– ഗ്രേ കളർതീമിൽ ഒതുക്കമുള്ള എലിവേഷൻ.