പത്തും നൂറുമല്ല, 150 ഡിഗ്രികൾ: അമ്മയ്ക്ക് കൊടുത്ത വാക്ക് നിറവേറ്റാൻ ജീവിതം മുഴുവൻ പഠിച്ചൊരു മകൻ

24/10/25

അമ്മയ്ക്ക് വേണ്ടി എടുത്ത പ്രതിജ്ഞ വിദ്യാഭ്യാസത്തിന്റെ തുടക്കകാലത്ത് ഒരു പഠിപ്പിസ്റ്റായിരുന്നില്ല ഡോ. പാർത്ഥിബൻ. ശരാശരിയോ അതിൽ താഴെയോ മാത്രമുള്ള ഒരു വിദ്യാർഥി മാത്രമായിരുന്നു. എന്തിനേറെ ആദ്യത്തെ ബിരുദ കോഴ്സ് കഷ്ടിച്ചു ജയിക്കാൻ മാത്രമേ അദ്ദേഹത്തിന് സാധിച്ചിരുന്നുള്ളൂ. മകന്റെ മാർക്കറിഞ്ഞ അമ്മയ്ക്ക് അത് അങ്ങേയറ്റം സങ്കടമായിരുന്നു. യഥാർത്ഥത്തിൽ ആ സംഭവമാണ് എല്ലാത്തിന്റെയും തുടക്കം. അമ്മയുടെ സങ്കടം കണ്ട് മനസ്സു തകർന്ന പാർത്ഥിബൻ സ്വയം ഒരു പ്രതിജ്ഞയെടുത്തു. പരീക്ഷകൾ എഴുതി വിജയിക്കുമെന്ന് മാത്രമല്ല പഠിക്കുന്ന കാര്യങ്ങളിലെല്ലാം അങ്ങേയറ്റം മികവ് പുലർത്തുമെന്നുമായിരുന്നുവത്. ഒരു ദിവസം ഉയർന്ന റാങ്കുള്ള വിദ്യാർത്ഥിയായി അമ്മയ്ക്ക് അഭിമാനിക്കാൻ അവസരം ഒരുക്കുമെന്നും അദ്ദേഹം ഉറപ്പിച്ചിരുന്നു.