പിടിച്ചാൽ കിട്ടാത്ത മുന്നേറ്റം! സ്വർണം പവന് 92,000 എത്താൻ ഇനി 40 രൂപകൂടി മതി

13/10/25

വില കുറച്ചു താഴ്ന്നിട്ടു വേണം സ്വർണം വാങ്ങാൻ എന്ന് കാത്തിരിക്കുന്നവരെ വിഷണ്ണരാക്കി സ്വർണ വില പിടികിട്ടാത്ത ഉയരത്തിലേക്കു കുതിക്കുന്നു ഗ്രാമിന് 105 രൂപ ഉയർന്ന് 11,495 രൂപയിലാണ് ഇന്ന് വ്യാപാരം ആരംഭിച്ചിരിക്കുന്നത്. പവന് 840 രൂപ കൂടി 91,960 രൂപയായി. ഒക്ടോബർ ഒന്നിന് ഗ്രാമിന് 10,875 രൂപയും പവന് 87,000 രൂപയും ആയിരുന്ന വിലയാണ് 12 ദിവസത്തിനുള്ളിൽ ഇത്രയും വർധിച്ചിരിക്കുന്നത്. ഒക്ടോബർ തുടങ്ങിയതിനു ശേഷം സ്വർണവില മിക്ക ദിവസങ്ങളിലും റെക്കോർഡ് തിരുത്തി. വെള്ളിയാഴ്ച ഇസ്രായേൽ ഹമാസ് സമാധാന കരാറിനെ തുടർന്ന് സ്വർണ വിലയിൽ ഇടിവുണ്ടായെങ്കിലും അന്ന് ഉച്ചതിരിഞ്ഞ് വില വീണ്ടും മുന്നേറിയിരുന്നു.