ദാനങ്ങളിൽ ശ്രേഷ്ഠം; നൂറുകോടി പുണ്യം നൽകുന്ന അന്നദാനം, പൂജിക്കപ്പെടുന്നത് അന്നപൂർണേശ്വരി

11/10/25

ഉള്ളവൻ ഇല്ലാത്തവന് നൽകുന്ന സാത്വിക പ്രവർത്തിയാണ് ദാനം എന്നത്കൊണ്ട് അർഥമാക്കുന്നത്. ഹൈന്ദവ വിശ്വാസപ്രകാരം ഏറ്റവും പുണ്യമായ ഒന്നായാണ് ദാനങ്ങളെ കണക്കാക്കുന്നത്. കാലാകാലങ്ങളായി ഭൂമി, വസ്ത്രം, സ്വർണം എന്നിങ്ങനെ പലതും ദാനമായി നൽകപ്പെടുന്നു. എന്നാൽ ദങ്ങളിൽ വച്ചേറ്റവും വിശിഷ്ടം എന്ന് പ്രതിപാദിക്കുന്നത് അന്നദാനത്തെയാണ്. അന്നദാനമാണ് ലോകത്തിൽ വച്ച് ഏറ്റവും വലിയ ദാനം എന്ന് ശിവപുരാണത്തിൽ പറയുന്നുണ്ട്.സാധുക്കൾക്ക് ആഹാരം നൽകുന്നത്തിലും മഹത്തരമായി മറ്റൊന്നുമില്ലെന്നു ശിവപുരാണത്തിൽ പറയുന്നു. ഇതിനെ ആസ്പദമാക്കി ശങ്കരാചാര്യ സ്വാമി രചിച്ച സ്തുതിയാണ് അന്നപൂർണ്ണേശ്വരി സ്തോത്രം. ദാരിദ്ര്യദുഃഖങ്ങൾ ഇല്ലാതാക്കി സമ്പത്തും സമൃദ്ധിയും ലഭ്യമാക്കാൻ അന്നപൂർണേശ്വരി സ്തോത്രം പതിവായി ജപിക്കുന്നത് ഗുണകരമാണെന്ന് പറയുന്നു.